Include this script into your page along with the iframe for a responsive media embed
Маркази Берлинда жойлашган Transparency International ташкилотининг янги ҳисоботи хулосасига кўра, Шарқий Европа ҳамда Марказий Осиёсида жойлашган аксар давлатда коррупция жиддий муаммолигича қолмоқда.nnТашкилот ҳар йили чоп этадиган “Коррупцияни қабул қилиш индексига киритилган 180 давлатнинг учдан икки қисмидан кўпроғи 100 баллик баҳолаш тизимида 50 дан паст балл олган.nnЯнги ҳисоботда 16 балл олган Афғонистон рўйхатнинг 172-поғонасига қўйилган. 33 балл олган Покистон эса 117-ўринда.nnЎзбекистон эса 23 балл билан 158-ўринда. Ўтган йилда мамлакат 22 балл билан рўйхатнинг 157-поғонасидан ўрин олган эди.nnШарқий Европа ва Марказий Осиё минтақаси учун ўртача кўрсаткич 35 баллни ташкил қилган. Бу эса 32 балл олган Африка қитъасидан юқори, холос.nnШарқий Европа ва Марказий Осиё гуруҳига Албания, Босния-Герцеговина, Косово, Македония, Черногория, Сербия, Арманистон, Озарбайжон, Беларусь, Грузия, Молдова, Россия, Украина, Туркия, Қозоғистон, Қирғизистон, Тожикистон, Ўзбекистон ва Туркманистон киритилган.nn88 балл олган Дания коррупция энг кам давлат деб топилиб, рўйхатнинг биринчи қаторига қўйилди. Иккинчи ўринга 87 балл олган Янги Зеландия қўйилган.
