$200 миллионлик Dreamliner икки йилга қолмай ишдан чиқди

24 декабрь куни Москва-Тошкент рейси билан учган “Ўзбекистон ҳаво йўллари” (янги расмий номи Uzbekistan Airways) миллий авиакомпаниясига қарашли Boeing 787-8 Dreamliner Тошкентга қўнар-қўнмас¸ ишдан чиқди.nnБу маълумотни очиқлаш ваколатига эга бўлмагани боис шахси сир тутилишини сўраган авиакомпания мутахассисининг Озодликка айтишича¸ ишга туширилганига икки йил ҳам тўлмаган “Орзу лайнери” (Dreamlinerнинг ўзбекча таржимаси - таҳр.) мотори бутунлай ишдан чиққан.nn“Регистрация рақами UK-78702 бўлган Dreamliner 24 декабрь куни Москвадан 1¸5 соат кечикиб учди. Самолëт базўр Тошкентга қўниши билан¸ моторни очишди. Ичидан қиринди чиқди¸ турбина куракларининг қайрилгани маълум бўлди. Бахтимизга¸ самолëт эсон-омон Тошкентга етиб келди.nnУ техник носозлик борлигини муҳандислар олдиндан билгани ва бу ҳақда компания раҳбарияти огоҳлантирилганини айтди.nn"Двигатель ҳавода ишдан чиқса нима бўларди? Инженерлар учқичда ортиқча вибрация борлигини олдиндан билган¸ раҳбариятга ҳам билдиришган. Уни дарҳол рейсдан чиқариб¸ техник кўрикка олиш ўрнига¸ учиришди”¸ дейди Озодлик суҳбатлашган авиация мутахассиси.nnОзодлик “Ўзбекистон ҳаво йўллари” миллий авиакомпаниясининг тижорат департаменти¸ унга техник хизмат кўрсатувчи “Uzbekistan Airways Technics” АКдан Dreamliner-нинг техник ва тижорий вазиятига оид бирор маълумот ололмади.

Category : Новости и политика

#$200#миллионлик#dreamliner#икки#йилга#қолмай#ишдан#чиқди