Include this script into your page along with the iframe for a responsive media embed
Британия разведкаси санкциялар жорий қилинадиган Кремлга яқин “олигархлар” рўйхатини тузганини эълон қилди.nnThe Daily Telegraph нашрига кўра, Буюк Британия ҳукумати Владимир Путин ва унинг режими билан бевосита боғлиқ экани айтилаётган олти бизнесмен, жумладан Алишер Усмоновга тадбиркорлик қилишга тўсқинлик қилади.nnThe Daily Telegraph газетаси, Британия ҳукуматидаги ўз манбасига таяниб, Кремлга яқин бўлган “рус олигархлари” рўйхати тузилганини очиқлади.nnМанба МИ5 инглиз разведкаси берган маълумотлар асосида Владимир Путинга яқин бўлган олти нафар йирик тадбиркорга нисбатан турли чеклов чоралари жорий қилишга ҳозирланаётганини сиздиргани айтилмоқда.nnМамлакат бош вазири Тереза Мэй томонидан тасдиқланган рўйхатда, жумладан, Алишер Усмонов, Роман Абрамович, Игорь Сечин, Олег Дерипаска, ака-ука Аркадий ва Борис Ротенберглар борлиги маълум қилинди.nnНашр келтирган маълумотга биноан, бу ҳужжат ҳукумат бўлимларига тарқатилиб, Буюк Британиянинг Европа ва Шимолий Америкадаги ҳамкор мамлакатлар ҳукуматларига ҳам тақдим этилади.nnБритания ҳукуматидаги юқори лавозимли манба рўйхатдаги рус миллиардерларга нисбатан жорий этилаётган жазо чоралари “уларнинг маневр қилиши, Европа, Буюк Британия ва бошқа ҳар жойга келиб-кетишига имкониятларни чеклашга” қаратилганини билдирган. The Daily Telegraph суҳбатдоши рўйхатга “президент Владимир Путин билан ўта яқин профессионал ва молиявий муносабатларда қолаётган” шахслар туширилганини ҳам қўшимча қилди.
