Шаҳрихонда ис газидан заҳарланган 70 кишидан 18 нафари бола бўлган

Андижон вилоят, Шаҳрихон туманида 1 декабрга ўтар кечаси исдан (ис газидан) заҳарланган 70 нафар беморнинг 18 нафарини болалар ва 48 нафарини хотин-қизлар ташкил этади.nnБу маълумот Озодлик 4 декабрь куни қўлга киритган, беморлар рўйхати ёзилган касалхона ҳужжатида мавжуд.nnВилоят тиббиёт бирлашмаси мулозимига кўра, Шаҳрихон туман марказий касалхонаси шифокорларига 30 ноябрь – 1 декабрь куни исдан заҳарланганлар сонини 30 нафардан ошмаган деб ёзиб бериш, буюрилган.nnОзодлик қўлга киритган яна бир ҳужжатда 2017 йилнинг 27 декабрида ҳам Шаҳрихон туманида 76 киши ис газидан оммавий заҳарлангани ёзилган, лекин тиббиёт бирлашмаси бу ҳолатни жамоатчиликдан яширган.nnОзодлик 1 декабрь куни Шаҳрихон туманининг турли ҳудудларидан кўмир ҳидидан заҳарланган қарийб юз нафар бемор касалхонага “Тез ёрдам” автомобилида олиб келингани ёки ўзлари келгани, шулардан 70 нафари касалхонага ётқизилгани ҳақида врачлардан олинган маълумотларга таяниб хабар берган эди.nnШифокорларнинг айтишларича, 30 ноябрь кечаси Андижонда қаттиқ шамол бўлгани сабабли, асосан кўмир ёқиладиган печка қувуридан чиқадиган ис газини шамол ортга қайтариб урганлиги оқибатида одамлар заҳарланган.nnБу хабардан сўнг, ўша куннинг ўзида Ўзбекистон Бош прокуратураси матбуот хизмати Шаҳрихон туманида фақат икки киши исдан заҳарланганлигини айтиб, оммавий заҳарланиш бўлганини инкор қилган эди.

Category : Новости и политика

#Шаҳрихонда#ис#газидан#заҳарланган#70#кишидан#18#нафари#бола#бўлган