Include this script into your page along with the iframe for a responsive media embed
Президент Шавкат Мирзиёев 13 ноябрь куни паррандачилик маҳсулотларини қайта ишлаш даражаси пастлигини ва паррандачилик соҳасида асосан товуқ етиштириш билан чекланиб қолинаётганини таъкидлаган ҳолда, Ўзбекистонда курка, бедана, ғоз, ўрдак, туяқуш, каклик етиштиришга қаратилган фармонни имзолади.nnФармонда айтилишича: “…паррандачилик соҳасида асосан товуқ етиштириш билан чекланиб қолинмоқда, бошқа парранда турлари (курка, бедана, ғоз, ўрдак, туяқуш, каклик ва бошқалар) етиштиришни оммалаштириш чоралари кўрилмаяпти”.nnПрезидент шундан келиб чиққан ҳолда Ўзбекистон Тикланиш ва тараққиёт жамғармаси ҳисобидан “Ўзсаноатқурилишбанк” АТБнинг устав капиталидаги давлат улушини 50 миллион доллар миқдорида ошириш тўғрисида буйруқ берган.nnФармонга асосан, “Ўзсаноатқурилишбанк” устав капиталига киритилаётган 50 миллион АҚШ доллари эквивалентидаги мақсадли маблағлар паррандачиликни ривожлантиришга кредитлар ажратиш учун йўналтирилади.nnМазкур кредит ҳисобидан паррандачиликни ривожлантириш учун фермерларга кредит ставкасининг 5 фоиздан 10 фоизигача миқдорда компенсация бериш ҳам назарда тутилган.
