"Ҳокимлик юристи" тунда тадбиркор уйига бостириб кирди

Наманган вилоят, Тўрақўрғон туманилик тадбиркорнинг Озодликка хабар қилишича, 22 октябрь, соат 23:15 да унинг уйига ўзини "ҳокимлик юристиман", деб таништирган аёл бостириб кирган ва ўша пайтда уйида ишлаётган ишчиларни "пахтага чиқмаяпсан", дея ҳақорат қилган.nnУй-ишхона эгаси, 28 яшар Жаҳонгир Зайнобиддинов бостириб кирган "ҳокимлик юристи" билан оғзаки жанжали акс этган видеони ҳам Озодликка жўнатди.nnАммо, Тўрақўрғон туман ҳокимлиги юристи видеони кўргач, бу аёлни танимаслигини билдирди.nnТўрақўрғон туман, Калвак маҳалла фуқаролар йиғини ҳудудида яшовчи, "Стандарт яшчик" МЧЖ муассиси, 28 яшар Жаҳонгир Зайнобиддинов экспорт қилинадиган мева-сабзавот учун яшчиклар ясайди.nn“Пишиқчилик бўлгани учун яшчикка талаб катта. Шунинг учун кечқурунлари ҳам ишлаяпмиз. Алоҳида ишхона қуриш учун шароитим йўқлиги боис уйимни ишхона қилганман. Қўлимда 22 киши ишлайди”, -деди Жаҳонгир.nn"Мен ичкарида, уйда эдим, - деб бошлади Жаҳонгир 22 октябрь оқшомида ўз уйида содир бўлган воқеа тўғрисидаги ҳикоясини, - иккинчи сменада ҳам иш бўлгани учун эшигимиз очиқ туради. Мен ичкарида эдим. У аёл эшикни тепиб кирган. “Нима қилаяпсанлар?”деб ўдағайлаган. “Яшчик қоқаяпмиз”, дейишса, “Нега шунинг ўрнига пахтага чиқмайсанлар”, деган. Аёлларни ж..., эркакларни к... деб ҳақорат қилган."

Category : Новости и политика

#"Ҳокимлик#юристи"#тунда#тадбиркор#уйига#бостириб#кирди