Include this script into your page along with the iframe for a responsive media embed
АҚШ да чоп этилувчи "Форбс" нашри сайланишидан йил ўтмай, янги президентини Хитойнинг ислоҳотчи лидери Дэн Сяопинга қиёслаган Ўзбекистоннинг паспорти бу галги рейтингда Роберт Мугабе Зимбабвесиникидан ҳам кучсиз бўлиб чиққан.nЎзбекистоннинг паспорти янги рўйхатда дунёнинг 200 га яқин давлатиники орасидан 82-ўринни эгаллаган. nБу паспорт билан Ўзбекистон фуқароларининг ҳозир жаҳоннинг бор-йўғи 59 та давлатига чиқа олишлари маълум бўлган. nУлар асосан Боливия, Эквадор, Никарагуа, Уганда ва Мадагаскар каби, таъбир жоиз, "учинчи дунё" давлатлари бўлиб чиққан. nЎзбекистондан 5 ўрин юқорида келган зимбабвеликлар эса, бугун ўз паспортлари билан бемалол 64 та давлатга бора олишлари мумкин экан. nЯнги рейтинг "Henley&Partners" ташкилоти томонидан куни-кеча эълон қилинган. nМамлакатлар эса, рўйхатда фуқаролари визасиз бора олишлари мумкин бўлган давлатлар сонига қараб жойлаштирилган. nМуаллиф Кеннет Рапоза эса, ўзининг "Форбс"даги мақоласида мамлакатни узоқ вақт бошқарган Ислом Каримовнинг ўлимидан сўнг ҳокимиятга келган Шавкат Мирзиёев Ўзбекистонни дунёга кўпроқ очадиган лидер бўлишига ишонаётгани ҳақида ёзганди. nЎзбекистон каби чиқиш визаси ҳануз амалда бўлган дунёнинг бор-йўғи иккита давлатидан биттаси бўлган Шимолий Корея эса, Ўзбекистондан 17 поғона қуйида келган. nШимолий Кореянинг паспорти билан сиз ҳозир дунёнинг 42 та давлатига визасиз сафар қила олишингиз мумкин экан. nШу йил май ойида эълон қилинган рейтингда Ўзбекистон паспорти қудратлилик бобида 76-ўринни эгаллаган, янги рўйхат эса, ўзбек паспортининг ўтган беш ой ичида 6 поғонага кучсизланганига ҳам далолат қилган. Бу нима дегани? Сиёсий шарҳловчи Нарзулло Охунжонов таҳлили. Кўринг, тингланг ва ўз фикрингиз билан ўртоқлашинг.
