Include this script into your page along with the iframe for a responsive media embed
Сурхондарё вилояти Узун туманининг Маландиён қишлоғида яшайдиган 29 яшар уста йигит ўз ҳамқишлоғи, 5-синф ўқувчисини аввал зўрлаб, сўнг ўлдирганликда гумонланиб ҳибсга олинди.nn26 сентябрда содир бўлган бу фожиа тўғрисида айтиб берган маҳалла фуқаролар йиғини фаолларидан бирига кўра, қотилликда гумонланган йигит қизчани аввал зўрлаган, кейин бўғиб ўлдирган ва жиноят изини яшириш мақсадида уни осиб қўйган.nnТуман ички ишлар бўлими вакилига кўра, бу иш билан айни пайтда вилоят прокуратурасининг махсус гуруҳи шуғулланмоқда.nnБу воқеадан яхши хабардор, исми сир қолишини сўраган Узун туманидаги Маландиён маҳалла фаолларидан бирининг Озодликка айтишича, бутун туманни титратиб юборган бу қотиллик 26 сентябрь куни содир бўлган:nn“Ўша куни маҳалламиздаги 6-мактабда ўқийдиган 12 яшар қизча уйда ёлғиз қолган. Унинг қўшнисининг уйида ишлаётган уста йигит аввалдан бу қизчага кўз олайтириб юрган, бир-икки марта тегажоғлик ҳам қилган экан. 26 сентябрь куни у электр сими кераклигини баҳона қилиб, унинг уйига кирган. Қизчанинг уйда ёлғиз эканлигидан фойдаланиб, уйидаги подвалга олиб кириб уни зўрлаган. Кейин бўғиб ўлдирган ва жиноят изини адаштириш мақсадида уни ўша подвалга осиб қўйган. Уста ҳаяллаганидан сўнг қўшнининг уйига кирган унинг ҳамкасбларидан бири бу ҳолатни кўриб қолган ва бошқаларга хабар берган”, дейди маҳалла фаолларидан бири.
