Include this script into your page along with the iframe for a responsive media embed
Сурхондарёнинг Шўрчи туманида яшовчи Насиба Искандарованинг иддаосига кўра, 11-синфда ўқийдиган ўғли "ўқитувчиси томонидан калтаклангач", ўз жонига қасд қилишга уринган.nШўрчи туман прокуратураcи ушбу воқеа бўйича очилган маъмурий ишни судга оширди.nТуман халқ таълими бўлими ўқувчини калтаклашда гумонланаётган ўқитувчига нисбатан ҳайфсан эълон қилди.nШўрчилик 38 яшар Насиба Искандарованинг 18 март куни Озодликка маълум қилишича, жорий йилнинг 23 февраль куни эрта тонгда 11-синфда ўқийдиган ўғли ўзини осишга ҳаракат қилган пайтда, уни қутқариб қолган.nn- Молхонанинг айвонига осган. Шундай фонарик қаратсам, ўғлим ўзини осиб турибди. Худойимга бир айтганим бор экан, уйдан чиқишим билан уни кўриб қолдим. Югуриб бориб оёғидан кўтардим. Иккита ип саккизга ўхшаб турибди, иккинчисига солиб, ўзини осиб қўйибди. Сразу бориб кўтардим, бўйнилари қизарган экан, - дейди Насиба Искандарова.nnНасибанинг ўғли ўзини осишга ҳаракат қилганига оид воқеа бўйича маҳалла фаоллари ва мактаб раҳбарлари имзо чеккан далолатнома нусхаси Озодликда мавжуд.nnНасиба Искандарованинг иддаосига кўра, ўғли ўша воқеадан бир кун аввал "ўқитувчиларидан бири томонидан калтакланган" ва ўғли бунга чидай олмай ўзини ўлдирмоқчи бўлган:nn- Жисмоний тарбиядан дарс берадиган домласи ўғлимни спорт залга олиб кириб, ечиниш хонасига киргизиб, ўғлимни тепалаб уриб кетади. Роса қоринларига тиззалаб уриб, сўкиб, қовуғларига тепган, - дейди Насиба Искандарова.
