Тошкентда уйма-уй прописка текшириб юрган участка нозири калтакланди

Тошкент шаҳрида уйма-уй прописка текшириб юрган участка нозири хизмат вақтида, хизмат кийимида калтакланди. Воқеа 20 февраль куни кечқурун Чилонзор туманининг 20- кварталидаги кўп қаватли уйлардан бирининг зина йўлагида рўй берди.nnКалтакланган ИИБ зобитининг Озодликка айтишича, "бўйсунмаслик ҳолати" бўлган.nnЧилонзор туман Ички ишлар бўлимининг Озодлик суҳбатлашган ходими милиция катта лейтенантига қўл кўтарган тўрт шахс қўлга олиниб, суриштирув олиб борилаётганини айтди.​nnИИБ ходимини калтаклагани айтилаётганларнинг ўзлари ёки уларнинг вакиллари билан боғланишнинг имкони бўлмади.nnВоқеа гувоҳи бўлган пойтахтликлардан бири Озодликка катта лейтенант унвонидаги участка нозири И.М. домдаги хонадонлардан бирида яшовчи йигитлардан ҳужжатларини сўраганида, улар милиция ходимининг қонуний талабларига бўйсунмай, қаршилик кўрсатишгани ва нозирнинг боши ҳамда юзига уриб, жароҳат етказишганини айтди.nn- Домимизнинг еттинчи қаватида савдогар йигитлар яшайди. Участкавойимиз паспортларини сўраган, пропискаси йўқ бўлганми, қаршилик қилишган. Ғала-ғовур овозини эшитиб чиқсак, ҳалиги йигитлар участковойни ерга босиб, бошига ва юзига тепишяпти. Кейин участковойнинг ёрдамчиси етиб келди. Йигитларни милиция бўлимига, участковойни эса, қонга беланган ҳолда касалхонага олиб кетишди, - деди исми очиқланмаслигини сўраган чилонзорликлардан бири.nnОзодлик мухбири калтакланиб, касалхонага тушган милиция катта лейтенанти И. М.нинг ўзи билан боғланиб, воқеа тафсилотларини сўради.

Category : Новости и политика

#Тошкентда#уйма#уй#прописка#текшириб#юрган#участка#нозири#калтакланди