Include this script into your page along with the iframe for a responsive media embed
Россия Федерал хавфсизлик хизматининг (ФСБ) Санкт-Петербург ва Ленинград вилояти бўйича бошқармаси ходимлари шаҳар метросидаги терактни оқлашга уринган марказий осиёлик мигрантни сешанба, 19 февраль куни қўлга олди.nnФСБ матбуот хизмати тарқатган хабарга биноан, марказий осиёлик экани айтилаётган йигит Петербург метросида икки йил олдин содир бўлган портлашларни оқлашга уринган.nn- Олиб борилган оператив-қидирув амалиётлари натижасида Интернет тармоғида 03.04.2017 йилда Санкт-Петербург метрополитенида содир этилган террорчилик актини оқловчи аудиоматериалларни жойлаштирган МДҲ давлатларидан келган шахс ҳибсга олинди, - дейилади ФСБ расмий баёнотида.nnФСБчилар бу шахсга нисбатан ҳибсда қолдириш чораси қўлланилиши масаласи кўрилаётганини ҳам билдирди.nnАйни дамда, ФСБ кўринишидан марказий осиёлик муҳожир бўлган шахснинг ҳибсга олиш жараёни акс этган видеотасвирни Youtubeда жойлаштирди. Унда ёши 20-25 атрофида бўлган шахснинг қуролланган ходимлар томонидан ерга ётқизиб, кишанлаб, олиб кетаётганини кўриш мумкин.
