Include this script into your page along with the iframe for a responsive media embed
Россиянинг Владимир вилоятида 15 нафар ўзбекистонликнинг ўлимига сабаб бўлганликда айбланаётганларга нисбатан жиноят иши иккинчи марта бошқа кунга қолдирилди.nnРасмий маълумотда айтилишича, суд 2018 йилнинг 27 декабрида бошланган ва 2019 йилнинг 29 январига қолдирилган эди. Аммо 29 январдаги суд ҳам қисқагина бўлди ва кейинга қолдирилди.nnПетушинск туманида ўтаётган суд жабрланувчиларнинг жараёнга келмаётгани муносабати билан қолдирилмоқда. Кейинги суд мажлиси 12 февралда ўтказилиши режалаштирилди.nnХабарда айтилишича, мазкур иш юзасидан 50 одам жабрланувчи сифатида кўрсатма бериши лозим. Уларнинг барчаси Ўзбекистон фуқароларидир.nnЎзбекистонлик жабрланувчиларнинг барчаси ватанларига қайтиб кетгани муносабати билан судга кела олмаётгани билдирилди. Шундан келиб чиққан ҳолда судья жабрланувчиларнинг терговга берган кўрсатмаларини ўқиб бериш билан кифояланишни таклиф қилган. Бироқ судланувчилар ва уларнинг адвокатлари суднинг бу таклифини рад этган.nnОзодлик радиоси 2017 йил 6 октябрга ўтар кечаси “Санкт-Петербург — Нижний Новгород” йўналишида кетаётган поезд Владимир вилоятининг Петушинск туманидаги темир йўл чорраҳасида ўзбекистонлик 57 йўловчи тушган Mercedes автобусини уриб кетгани тўғрисида хабар берган эди.
