Include this script into your page along with the iframe for a responsive media embed
Қашқадарё вилояти, Ғузор туманининг 27-умумтаълим мактабининг 14 яшар ўқувчиси 17 январь куни уйининг молхонасида осилган ҳолда топилган.nnБу ҳақда Озодликка хабар берган маҳалла фаолининг айтишича, бу воқеадан сўнг вилоят ҳокимлигидан вакил келиб мажлис ўтказган ва болалар билан яхши ишламагани учун мактаб психологининг уч ойлик маоши кесилганини айтган.nnТуман прокуратураси бу воқеа юзасидан терговга қадар текширув ҳаракатлари олиб борилаётганини айтди.nnҒузор туманининг Совбоғ қишлоғида яшаган, 27-умумтаълим мактабининг 8-синф ўғил бола ўқувчиси, 2005 йилда туғилган А.Т. 17 январь куни уйининг молхонасида ўз жонига қасд қилган.nnЎқувчининг Озодлик гаплашган, исми сир қолишини сўраган яқин қариндошларидан бирининг айтишича, воқеа кечки пайт содир бўлган:nn“Ўша куни улар оилавий кечки овқат ейишган. Кейин онаси болага молхонага бориб, молларнинг тагини тозалаб келишни буюрган. Орадан анча вақт ўтса ҳам у ҳеч келмас экан. Кейин онаси молхонага кириб кўрса, ўзини осиб қўйган экан”, дейди қариндошларидан бири.nnҒузор тумани ички ишлар бўлимининг ўзини таништирмаган мулозимига кўра, бу воқеадан кейин бола суд-тиббий экспертизасидан ўтказилган ва у нафас йўлларининг беркилишидан келиб чиққан механик асфиксия натижасида ўлганлиги аниқланган.
