Include this script into your page along with the iframe for a responsive media embed
Туркманистон VPN дастурлар билан курашни кучайтирдиnnТуркманистонда 17 январдан бошлаб интернетдаги тўсиқларни айланиб ўтишга мўлжалланган VPN дастурларига қарши курашни фаоллаштирган. Facebook ва YouTube блокланган Ўзбекистонда ҳам бу дастурлардан фойдаланилади. nnТуркманистонда Мобил телефонига VPN дастурини ўрнатишга ҳаракат қилаётганларнинг сим карталари ишдан чиқиб қолаётгани айтилмоқда.nn«Хроники Туркменистана» сайти Туркманистондаги мухбирларига таяниб ёзишича, фойдаланувчилар бу каби дастурларни кўчириб оладиган Google Play аппликация бозори ишдан чиқиб қолмоқда. nn"Озодлик" радиосининг Туркман хизмати директори Фаррух Юсуфийнинг Би-би-сига айтишича. VPN дан фойдаланувчиларни Миллий хавфсизлик вазирлигига чақириб суҳбат қилишлари мумкин.nn"VPN ишлатаётган ёки прокси серверлар орқали интернетга кирадиганларнинг нафақат сим карталари блокланяпти, балки уйдаги интернетдан ҳам узиб қўйилаётгани ҳақида маълумотлар келмоқда".nnСуҳбатдошнинг айтишича, Туркманистонда интернет фойдаланувчилари VPN дастурларини ўрнатиш учун телефон усталарига мурожаат қилади. nnУлаб бериш 10 доллар ва ойига хизмат кўрсатиш 10 долларгача бориши мумкин. nnVPN лар билан Россия ҳукумати курашишга уринганди. Telegram канали бу юртда ноқонуний деб топилгач, Роскомнадзор ташкилоти унга айланиб кирмоқчи бўлганларнинг VPN дастурларини блоклашга киришиб кетди.nnБироқ ушбу уринишлар самара бермагани айтилади.nn"Туркманистон Россияга ўхшамаган. Россияда куч органлари фуқароларни чақириб, нега VPN ишлатдинг, демайди. Аммо Туркманистонда босим ўтказиши мумкин", дейди Фаррух Юсуфий. nnЎзбекистонда 2018 йилнинг сентябр ойидан бошлаб Facebook ва YouTube сайтлари ишламаяпти. nnФойдаланувчилар унга прокси серверлар ёки VPN дастурлари орқали кирмоқда. nnҲозирча Ўзбекистонда айланиб ўтувчи воситаларга қарши ҳукумат томонидан очиқ кураш бошлангани йўқ.
