Андижон ҳокими маҳаллий клуб учун вилоятдаги барча тадбиркор ва фермерга “футбол солиғи” солди

9 январь куни Андижон вилоят ҳокими Шуҳрат Абдураҳмонов “Вилоят футбол федерациясининг 2019 йилги суперлига ўйинларига тайëргарлик кўриш бўйича” ўтказган йиғилиши ниҳоясида вилоят ҳудудида фаолият юритаëтган барча тадбиркорлик субъектларига “Андижон профессионал футбол клуби (ПФК)” учун жами 8 миллиард 55 миллион сўмлик “ҳомийлик ëрдами” тўлаш талабини қўйди.nn“Йиғилиш баëнига илова” деб аталган 6 саҳифалик ҳужжатнинг Озодликка 15 январь куни юборилган нусхасида жами 167 та корхона ва ташкилот номи ва уларга солинган “футбол солиғи” миқдори аниқ ëзилган.nnВилоят ҳокимлигининг мазкур йиғилишда бевосита қатнашган мулозими¸ шахси сир қолиш шарти билан¸ мажлисда қатнашган тадбиркор ва мулозимлардан маҳаллий футбол клубига “ҳомийлик ëрдами” бериш сўралганини тасдиқлади.nn“Андижон ПФК”даги вазиятдан яхши хабардор маҳаллий мулозим эса¸ футбол клубининг бош спонсори GM Uzbekistan сметага киритилган маблағнинг учдан бирини ҳам бермагани оқибатида суперлигага чиққан клубнинг молиявий жиҳатдан оғир аҳволда қолгани вилоят ҳокимини шундай ҳаракатга мажбурлаганини билдирди.nnGM Uzbekistan расмийлари ҳозирча спонсорлик мажбуриятининг нега бажарилмаëтгани ҳақидаги Озодлик саволларига жавоб бермади.

Category : Новости и политика

#Андижон#ҳокими#маҳаллий#клуб#учун#вилоятдаги#барча#тадбиркор#ва#фермерга#“футбол#солиғи”#солди