Include this script into your page along with the iframe for a responsive media embed
30 декабрда Сирдарёда содир бўлган муштлашувда қатнашганлар, яқинларининг иддао қилишича, Гулистон шаҳар Ички ишлар бўлимида уч кеча-кундуз давомида қийноққа солинган.nnГулистон шаҳар Ички ишлар бўлими мулозими қийноққа солингани иддао қилинаётган тўрт йигитнинг бўлим биносида ушлаб турилганини тасдиқлади, бироқ қийноқ тўғрисидаги иддаоларни рад этди.nnОтанинг айтганлариnn1996 йилда туғилган, моторист уста Абдусамаднинг отаси, 1963 йилда туғилган Абдураззоқ Назаровнинг Озодликка 15 январь куни айтишича, 30 декабрь куни унинг уйига бир милиция ходими келиб, ўғлини "1 соатга", деб олиб кетган. Шу кетганича, Абдусамад уйига 2 январь кечаси қайтган. Ўғлидан эшитганларини ҳикоя қилар экан, Абдураззоқ Назаров, жумладан, бундай деди:nn- Оборганидан уришни бошлашибди. Азизбек деган ўртоғига қарши кўргазма беришни талаб қилишибди. Азизбек гўё ўзини ўзи пичоқлаганмишу, милиционер боланинг бошига урганмиш. Шундай кўргазма беришни талаб қилишибди. Ўғлим “кўрганим йўқ, қочиб кетувдим у ердан”, деса, бошига салафан пакет кийдиришибди, “опачаларингни, онангни олиб келиб, бир бало қиламан”, деб қўрқитишибди. “Қўлимга кишан солиб, товонимга қарсиллатиб ураверди, қўлига сочиқ боғлаб чаккамга ураверди, сени бу ердан жинни қилиб чиқарамиз, дейишди”, деди ўғлим.nnАбдураззоқ Назаровнинг қўшимча қилишича, ўғли унга милиция ходимлари узоқ вақт овқатсиз, сувсиз, ҳожатсиз ушлаб турганини айтган:nn- Икки ярим кун овқат ҳам, сув ҳам бермади, ҳожатга ҳам чиқармади, деди ўғлим.
