Москва полицияси ўзбек муҳожирларини "қаршилик кўрсатгани учун" жаримага тортди

Москвада ўзбек муҳожирлари полиция ходимлари томонидан калтакланди ва таҳқирланди. Москванинг Вешняки полиция бўлими ходимлари мигрантларни “полиция ходимига қаршилик кўрсатганликда” айблаб, 1 минг рублдан жаримага тортди. “Қаршилик” кўрсатган ўзбекистонликлар полиция бедодлиги олинган видеотасвирни Озодликка тақдим этди.nnВешняки полиция бўлими ўзбек мигрантларининг қўлга олиниши ва жаримага тортилиши масаласида Озодликка изоҳ беришдан бош тортди.nnЎтган жума, 11 январь куни Москванинг Шарқий маъмурий округида пост-патрул машинасида кетаётган полициячилар йўл ёқасидаги автомобиль ёнида турган бир гуруҳ ўзбек муҳожирини кўриб қолади.nnМашина олдида тўхтаган полиция ходимлари мигрантлардан ҳужжат талаб қилади.nnТалаб қилинган ҳужжат ва паспортларни кўрсатганига қарамасдан, ўзбек муҳожирлари полиция бўлимига олиб борилиши айтилди.nnЎзбекистонлик Абдулла Озодлик билан суҳбатда машина ичида у билан бирга акаси Сардор, келинойиси Заҳро ва унинг дугонаси бўлганини айтди:nn- Биз квартирамиз ёнида турувдик гаплашиб. ППСчилар ўтиб кетди-да, қайтиб келди. Мен рўлда эдим – ҳужжатларни бердим. Опамларни документларини сўради. “Уйда қолиб кетган – ҳозир олиб чиқаман!”, деса ҳам машинадан тортқилаб олиб чиқиб, мажбурлаб машинасига тиқди. Телефонини синдириб қўйди. Кейин менга багажни очишни буюрди. Мен сабабини сўрасам, “Сен наркотик билан шуғулланасан – мен проверка қилишим керак”, деди. Опамни қўлини қайириб, мажбурлаб машинадан олиб тушаётгани жаҳлимни чиқарди! Опам документни олиб чиқса ҳам қўйвормади.

Category : Новости и политика

#Москва#полицияси#ўзбек#муҳожирларини#"қаршилик#кўрсатгани#учун"#жаримага#тортди