Include this script into your page along with the iframe for a responsive media embed
Ўзбекистонда 15 январга келиб, куз ойлари бошидан бери кириб бўлмаётган YouTube ва Facebook қисман очилиб кетди. Ҳукуматдаги манба бу сайтларга қўйилган блокировка олиб ташланганини билдирган. nТўлиқ очилмаса-да, асосан интернет провайдарлари орқали кирувчиларда куннинг биринчи ярмида муаммо бўлмаётган эди. Аммо мобил алоқа операторларининг интернетидан фойдаланувчилар бу сайтларга киролмаган. nТелеграмдаги davletovuz канали ўтказган ўзига хос кичик сўровномада иштирок этган 2000 дан ортиқ респондентнинг атиги 30 фоизи Youtube ва Facebook ишлаётганини айтган. nnШундай бўлса-да, Ўзбекистондаги интернет нашрлари ушбу хабарни "хушхабар" дея беришган. nn"Ё қудратингдан, Youtube ва Facebook'лар ВПНсиз ишлаб кетди", деб ёзади твиттердаги фойдаланувчи.nnTelegram да машҳур бўлган, Xushnudbek.uz канали "Фейсбук VPNсиз ишласа, хурсанд бўладиган замонларга ҳам етиб келдик, табриклайман. Аслида бўлиши керак бўлган нарсани ҳам кўзимизга суртиб, неъмат сифатида қабул қилиб юборишимизга оз қолди", деб ёзди.nnАйримлар бу ижтимоий тармоқларнинг ишлаб кетишини Президент Шавкат Мирзиёевнинг Германияга бўладиган расмий ташрифига ҳам боғлаган. nnОлдинроқ "Ўзбектелеком" компанияси Facebook ва YouTube нинг Ўзбекистонда очилишидан манфаатдор эканлигини, бу борада қаттиқ ишланаётгани ва натижа бўлиши билан ҳаммани бохабар қилишини билдирганди. nnБироқ Ўзбекистон монопол ташкилот бўлган "Ўзбектелеком"нинг бу гапларига фойдаланувчилар шубҳа билан қарашганди. Уларга кўра, Facbook ва Youtube нинг блокланиши тўғридан тўғри расмийларга боғлиқ. nnУшбу тахминларни Ўзбекистон Ахборот технологиялари ва коммуникацияларини ривожлантириш вазирлигидаги манба ҳам тасдиқлаётгандек. nn15 январ куни Gazeta.uz нинг ҳукуматдаги манбаси ижтимоий тармоқлардаги блокировка олиб ташланганини тасдиқлаган. nnАхборот технологиялари ва коммуникацияларини ривожлантириш вазирлигида ишлайдиган ва номи келтирилмаган бу манбанинг айтишича, тўсиқларнинг олиниши вақтинчаликми ёки доимийлиги номаълум.nn"Блокировка олиб ташланганини тасдиқлаш - қачонлардир блокировка ўрнатилганини ҳам тасдиқлашдир", деб ёзади телеграмдаги Муҳрим канали.nnУнга кўра, ижтимоий тармоқларнинг блокировка қилингани тан олиш, шу вақтгача бу борада вазирлик томонидан айтиб келинган сабабларнинг ёлғонлигини кўрсатади. Ва бунинг учун жазо бериш керак. nnБлогерлар ёлғон гапирган амалдорларни жазолаш ҳақида гапириб турган бир вақтда, Ўзбекистондан Facebook ва YouTube бир ишлаб, бир ишламаётгани ҳақида бир бирига зид хабарлар келмоқда.
