Бўз туман шифохонасида 34 ёшли ҳомиладор ва унинг ҳомиласи ўлди

Андижон вилоят, Бўз туман Тиббиёт бирлашмасида 10 январь куни 34 ёшли ҳомиладор аёл оламдан ўтди. Аёл қорнидаги олти ойлик ҳомиласи ҳам нобуд бўлди.nnБўз туман Тиббиёт бирлашмасининг Озодлик суҳбатлашган ходими экспертиза натижалари чиқмагунича ўлим сабаби ҳақида ҳеч нарса деёлмаслигини айтди.nnМарҳумнинг яқинлари эса, фожиада туғруқхона врачларини айбламоқда.nnАйни пайтда, туман прокуратураси ҳомиладор аёл ўлими юзасидан суриштирув бошлаганини Озодликка билдирди.nn34 ёшли ҳомиладор Н.А. Бўз туман Тиббиёт бирлашмасига 8 январь куни ётганидан икки кун ўтиб оламдан ўтди.nnЯқинларининг Озодликка айтишича, аёл шамоллаш касаллиги белгилари билан касалхонага олиб келинган.nn- Шифохонада вақтида тиббий ёрдам кўрсатиш ташкил этилмагани сабаб оддий шамоллашдан ўлиб кетди, қорнидаги боласи ҳам нобуд бўлди. Иккинчи фарзандини туғиши керак эди. Уч ёшли боласи етим қолди, - деди марҳумнинг қариндоши.nnБўз туман Тиббиёт бирлашмаси шифокорларидан бири эса, беморга ўз вақтида лозим ёрдам кўрсатилганини айтди:nn- Бу аёл юқори нафас йўллари инфекцияси билан олиб келинган эди. Ҳолати яхшиланмагач, ШТЁ бўлимига ўтказдик. У ерда барча ёрдамлар кўрсатилди. Иккинчи даражали нафас етишмовчилиги ва камқонликнинг оғир даражаси туфайли икки томонлама пневмониядан вафот этди.nnБироқ Тиббиёт бирлашмасининг Озодлик суҳбатлашган раҳбарларидан бири экспертиза натижалари чиқмагунича ўлим сабаби ҳақида ҳеч нарса айтилмаслигини билдирди.

Category : Новости и политика

#Бўз#туман#шифохонасида#34#ёшли#ҳомиладор#ва#унинг#ҳомиласи#ўлди