Include this script into your page along with the iframe for a responsive media embed
Наманган вилоят, Косонсой туманидаги Қўқимбой қишлоғида яшаган 23 яшар йигит 9 январь куни ўз уйининг молхонасида осилган ҳолда топилди.nnҲамқишлоқларининг айтишича, йигит осилган ҳолда топилган куни фермер отасининг ўрнига туман ҳокимлигида ўтказилган мажлисда қатнашган.nnТуман ички ишлар бўлими мулозими унинг ўлимига мажлиснинг алоқаси йўқлигини айтар экан, бу воқеа юзасидан туман прокуратураси суриштирув олиб бораётганини айтди.nnКосонсой туманининг Қўқимбой қишлоғида яшаган, 23 яшар Ш.А. 9 январь куни туш пайти ўз уйининг молхонасида осилган ҳолда топилгани ҳақида косонсойликлардан бири Озодликка хабар берди:nn“Бу боланинг бобоси милиция полковниги бўлган. Дадаси фермер. Ўзи ҳам лицейни тугатганидан кейин дадасининг ёнида ишлаб юрарди. Лекин сўнгги пайтда дадасининг фермерлик ишлари юришмай, ҳокимият ундан ерини топширишини талаб қилаётган эди. Ўша куни дадасининг ўрнига ҳокимиятга мажлисга борган экан. Мажлисда унга ва отасига нисбатан баъзи аччиқ гаплар айтилибди, у тушга яқин уйига қайтиб, ўзини осиб қўйибди, деб эшитдик”.nnТуман ички ишлар бўлимининг ўзини таништирмаган мулозими Ш.А.нинг мажлисда қатнашганини билвосита тасдиқлади:nn"Мажлисда унга нисбатан босим ёки унга тааллуқли ҳеч бир гап бўлмаган".nnМулозимга кўра, йигитнинг "ўз жонига қасд қилиш сабаби ҳозирча номаълум, бу билан прокуратура шуғулланяпти”. nnКосонсой туман прокуратурасидан муносабат олишнинг имкони бўлмади.
