Ўзбекистонлик гастарбайтер Магнитогорскда 8 кишини қутқарди

Ўзбекистонлик 23 ёшли муҳожир ишчи Алан Абдуллаев Россиянинг Магнитогорск шаҳрида портлаш оқибатида қулаб тушган кўп қаватли уй вайроналари остидан​ саккиз кишини биринчилардан бўлиб, ҳали МЧС ходимлари келмасиданоқ қутқаришга муваффақ бўлган. Россия матбуоти Абдуллаевни "ҳақиқий қаҳрамон", дея таърифламоқда. Магнитогорскдаги кўп қаватли уйда 31 декабрда портлаш юз бергани оқибатида 1100 киши яшайдиган кўп қаватли бинонинг бир қисми қулаб тушган эди.​nnМагнитогорск шаҳридаги қурилишлардан бирида ишловчи ўзбекистонлик 23 ёшли Алан Абдуллаев 31 декабр куни саҳарда намозга шошаётганда портлаш овозини эшитади.nnУ одамларга ёрдам бериш учун портлаш рўй берган турар жой биноси томон шошади.nnLife.ru нашрига кўра, қутқарувчилар етиб келгунига қадар Алан уй вайроналаридан саккиз одамни қутқаришга муваффақ бўлган.nnҚутқарувчилар етиб келганидан сўнг, ўзбекистонлик муҳожир ишчи МЧС ходимларига қайси уюмлар остида одамлар борлигини кўрсатиб, ёрдам берган.nn"Вайрон бўлган квартирада ёш болали аёлни кўрдим. Қайси қаватдалигини ҳозир эслолмайман. Шу ерга тирмашиб, чиқиб уларни пастга олиб тушдим. Бошқа бир квартирада кекса аёл ёнғинда қолиб кетган экан. Менга огнетушител беришди, ўтни ўчириб, пенсионерга ёрдам бердим", - деб айтган Алан Абдуллаев Life.ru нашрига.

Category : Новости и политика

#Ўзбекистонлик#гастарбайтер#Магнитогорскда#8#кишини#қутқарди