Include this script into your page along with the iframe for a responsive media embed
Фарғона вилояти Олтиариқ туманда кичик Фарғона канали бўйида янги туғилган қиз чақалоқ мурдаси топилган. Туман Ички ишлар бўлими мулозимининг Озодликка айтишича, чақалоқ ўлик ҳолда ташлаб кетилган. “Ҳозирда бола ДНКси асосида унинг онасини аниқлаш чоралари кўрилмоқда ва ушбу воқеа юзасидан суриштирув ишлари олиб борилмоқда”, - деди Озодлик билан суҳбатда Олтиариқ тумани ИИБсининг исми сир қолишини сўраган мулозими.nnВоқеа гувоҳларидан бирининг Озодликка маълум қилишича¸ бола одеялога ўралган холда Олтиариқ тумани Қапчуғай қишлоғи Шарқ тонги маҳалласидаги 41-сонли мактаб ёнидан оқиб ўтувчи кичик Фарғона қанали бўйидан 2 январ куни топилган.nn- 10 кунлик чақалоқ. Бўғиб ўлдириб ташлаб кетишган дейишяпти. Ҳозир маҳаллада ҳамма оёққа турган, - дейди Озодликка гапирган олтиариқликлардан бири.nnТергов доирасида Фарғона Ички ишлар бошқармаси Олтиариқ ва унга қўшни туманлардаги туғруқхоналарда ишлайдиган ва ишламайдиган дояларни сўроқ қилмоқда.nnҲозирча жиноят мотиви ва жиноятга доир бошқа тафсилотлар Озодликка маълум эмас.nnБу Ўзбекистонда янги туғилган чақалоқни ўлдириб, ташлаб кетиш ҳолатлари илк бор қайд этилаётгани йўқ.
