Include this script into your page along with the iframe for a responsive media embed
"Amerika Ovozi" yakunlanayotgan yilda O'zbekiston ommaviy axborot vositalari faoliyati bilan yaqindan tanishdi. Miliy axborot agentligidan tortib, xususiy manbalargacha, bugungi O'zbekistonda jurnalistika va jurnalistlar qanchalik o'zgarganini kuzatdik. Matbuot rang-baranglashgan; axborot oqimi kengaygan; raqobat qizib bormoqda; tanqidiy materiallar ko'paygan va jurnalistlar, umuman olganda, dadillashgan. Lekin internet hamon cheklangan. Facebook va YouTubega O'zbekistonda kirib bo'lmaydi. Xorijiy manbalarga qo'yilgan bloklar olinmagan. O'zbekistonda OAV tashqi dunyo bilan bog'lanishga, chet eldagi hamkasblar va axborot manbalari bilan ulanishga bel bog'lagan. Masalan, "Amerika Ovozi" o'tgan yil mobaynida O'zbekiston davlat tele va radio kanallari bilan hamkorlik qildi, shuningdek, "Sevimli", MY5 hamda Zo'r TV singari kanallarda ham bir necha bor ko'rindi. Xususan, Xalqaro Press Klub va "Zamon" dasturlarida. 2019-yilda mana shunday media ochilish davom etadi degan umiddamiz.
