Include this script into your page along with the iframe for a responsive media embed
Самарқанд вилоят, Каттақўрғон шаҳридаги 11-умумтаълим мактабнинг ўқитувчисини шаръий никоҳида бўлган эри 25 декабрь куни болта билан тан жароҳати етказди.nnВоқеа гувоҳларининг айтишича, мактаб дарвозаси яқинида юзи, қўли ва оёғидан бир неча жароҳат олган ўқитувчи шаҳар марказий касалхонасига ётқизилган.nnШаҳар ички ишлар бўлими терговчиси Озодликка жиноятда гумонланган шахс қўлга олингани ва унинг устидан жиноят иши қўзғатилганини айтди.nnКаттақўрғон шаҳридаги 11- мактабда ишлайдиган Б.Д. исмли ўқитувчи аёл 25 декабрь куни эрталаб, мактаб дарвозаси яқинида чопилганини, шу мактабда ишлайдиган, исми сир қолишини сўраган ўқитувчилардан бири Озодликка хабар қилди:nn“Бизда сув омбор томонда Сталин деган қишлоқ бор, ҳозирги номи Гўзал маҳалласи. Ана шу ерда яшайдиган бир эркак ўқитувчимизга норасмий уйланиб олган экан. Бу ўқитувчимиз ҳам биринчи турмушидан ажралган. Эрталаб соат 9 ларга яқин мактаб олдида жуда қаттиқ шовқин бўлди. Югуриб чиқсак, мактаб дарвозаси олдида аёл ўқитувчимиз қонга беланиб ётибди. Ўша шаръий эри болта билан чопиб, қочиб кетибди”, - деди ўқитувчи.nnКаттақўрғон шаҳар ички ишлар бўлимининг терговчиси Жалол Суюновнинг Озодликка айтишича, жиноят содир этганликда гумонланган шахс қўлга олинган:nn“М.П. исмли гумонланувчи шахс 26 декабрь куни ушланди, унга нисбатан қамоққа олиш эҳтиёт чораси қўлланилди. Кеча суд санкция берди. Асосийси - аёл тирик, жароҳатлари билан касалхонага ётқизилган. Эркакка нисбатан Ўзбекистон Жиноят Кодексининг 104- моддаси, 2- қисми (ўта шафқатсизлик билан оғир тан жароҳати етказиш) билан жиноят иши қўзғатилган. Ҳозирча унинг жиноят содир қилишига асосий сабаб рашк эканлиги тахмин қилинмоқда”, - деди терговчи Жалол Суюнов.
