Include this script into your page along with the iframe for a responsive media embed
Совет Иттифоқи тарқаганидан афсусланаётган россияликлар сони йилдан-йилга ошиб бормоқда. “Левада-центр” ижтимоий сўров маркази сўнгги тадқиқотларига кўра, улар сони 66 фоизга етди ва бу охирги 10 йилда энг катта кўрсаткичдир.nnАйни дамда, мутахассислар ўзбекистонликлар орасида ҳам Совет Иттифоқини қўмсовчилар сони кўплигига эътибор қаратмоқда.nnРоссияликлар СССРни қўмсамоқдаnn“Левада-центр” эълон қилган сўров натижаларига кўра, 2017 йилда Шўролар Иттифоқининг йўқ бўлиб кетганидан афсусланаётган Россия гражданлари сони ўртача 58 фоизни кўрсатган эди.nnСоветпарастлар сонининг максимал кўрсаткичи 2000 йилда қайдга олинган бўлиб, ўшанда улар жами сўровда иштирок этганларнинг 75 фоизини ташкил этган эди.nn“Левада-центр” социологлари СССР парчаланишидан пушаймонда бўлган россияликларнинг аксар қисмини 55 ёшдан юқори бўлганлар ташкил этганини маълум қилди. Аммо тадқиқот натижаларидан “темир панжара” қулашидан афсусланаётганлар орасида 18-24 ёшдагилар сони кескин кўпайиб бораётганини англаш мумкин.nn1991 йилда парчаланган Совет Иттифоқини қўмсаётганлар бунга “ягона иқтисодий тизимнинг бузилиши”ни (52%) ва “буюк ягона давлат ҳисидан маҳрум этилгани”ни (36%) сабаб қилиб кўрсатди.
