Include this script into your page along with the iframe for a responsive media embed
Тўйдан икки кун ўтиб, бокира эмаслигини иддао қилиб куёви қувиб юборган Мастона Ато она қишлоғи -Тожикистон жанубидаги Балжувондан бошини олиб чиқиб кетди. Мастонанинг ўзи унга қўйилган айбловларни қатъиян рад этиб келади.nn21 яшар Мастона кўргиликлари туфайли уй бекаси бўлишни орзу қилган оддий қишлоқ қизидан кучли аёлга айланганини айтади. Эндиликда унинг ўз олдига қўйган мақсади бор.nnМастона пойтахт Душанбедаги милиция академиясига ўқишга кириб, ўзиникига ўхшаш қисматга йўлиққан келинларга ёрдам беришни истайди:nn- Кўрган-кечирганларим ёрдамида бошқаларга кўмак берсам бўлади. Менинг бошимга тушган ишлар бошқа кўп қизларнинг ҳам бошига тушган.nnМастонанинг отаси Асомиддин Жалолов қизи таҳсил олиши учун маблағ тўплашни ваъда қилган.nnМастона 2017 йилнинг августида турмушга чиқиб, тезда ажрашганидан бери отаси уни қўллаб келаётганини айтди.nnМастона куёв уни тўйгача бошқаси билан жинсий алоқа қилишда асоссиз айблаганини айтиб келади. Консерватив тожик жамиятида қизларнинг тўйдан олдин жинсий алоқа қилиши ўта катта гуноҳ ҳисобланади.
