Include this script into your page along with the iframe for a responsive media embed
АҚШ Давлат департаменти 11 декабрь куни жаҳондаги диний эркинликлар вазияти тўғрисидаги навбатдаги йиллик ҳисоботини эълон қилар экан, Ўзбекистон "алоҳида хавотирга молик давлатлар" рўйхатидан чиқарилганини маълум қилди.nnЎзбекистон мазкур рўйхатга мамлакатдаги диний эркинлик вазияти кескин ёмонлашиб кетгани ва минглаб диндорлар қамоқларга ташлангани ортидан 2006 йилда киритилган.nnЎзбекистон бу рўйхатда Хитой, Эритрея, Эрон, Мьянма, Шимолий Корея, Судан, Саудия Арабистони, Тожикистон ва Туркманистон билан бир қаторга қўйилган эди.nnБироқ янги ҳисоботда Ўзбекистон ҳамон диний эркинлик тамойилларига амал қила бошлаган давлат сифатида тан олингани йўқ.nnАҚШ Ўзбекистонни “махсус назорат қилинадиган давлатлар” рўйхатига киритди.nnЎзбекистон диний эркинликларни кафолатлаш йўналишида собит эканини намойиш этувчи жараёнларни бундан буён ҳам давом эттирса, яқин келажакда вазият яхшиланаётган ёки яхшиланган давлатлар қаторига қўшилиши мумкин.nnЖорий йилнинг май ойида АҚШ Давлат департаменти Ўзбекистонда диний эркинликлар вазиятини яхшилашга қаратилган қадамлар ташланаётганини олқишлаган ҳолда, бу жараён секинлик билан олиб борилаётганини эътироф этган эди.
