Мирзиёев Ўзбекистон кино соҳасига эркинлик бердими? - BBC Uzbek

Қозоғистоннинг Олма ота шаҳрида Марказий Осиё ҳужжатли фильмлар анжумани бўлиб ўтди. Илк бор ўтказилаётган бу форумда ўзбекистонлик кино ижодкорлар ҳам ўз фильмлари билан иштирок этди. Би-би-си ўзбек киночиларидан ҳужжатли фильм соҳасидаги сўнгги ўзгаришларни сўради.nnАнжуманда ўзбекистонлик кино ижодкорларининг "Абай сўзи", Эски шаҳар мелодияси" Мен сени унутмадим" ҳужжатли фильмлари намойиш қилинди. nnБи-би-си анжуманда иштирок этган ўзбекистонлик киночилардан ҳужжатли кино соҳасидаги сўнгги ўзгаришларни сўради. nnСценарий ёзувчиси Разика Мергенбаева Ўзбекистонда сўнгги қисқа вақт ичида ҳужжатли фильмларга нисбатан қизиқиш кескин ортиб кетганини айтади. nn"Биринчидан, кинога нисбатан ҳайратланарли равишда катта қизиқиш пайдо бўлди. Чунки Яқин-яқингача ҳам ёш кадрлар деярли йўқ эди. Ҳозир эса муҳит ўзгаргани сезилмоқда. одамлар кинога кела бошлашди. Янги қон пайдо бўлмоқда". дейди у. nnРазика Мергенбаеванинг айтишича, Марказий Осиё кино ижодкорлари ҳамкорликни мустаҳкамлаш учун кино ижарасини минтақада умумий қилиш таклифи билан чиққан. nn"Яна бир ғоя пайдо бўлди ва у кўпчилик томонидан қўллаб қувватланмоқда. Кўпчилик ижара умумий бўлишини истаяпти. Масалан, Ўзбекистонда чиққан фильмни Қозоғистон, Тожикистон, Туркманистонда томоша қилиш имконияти пайдо бўлсин. Яъни Марказий Осиё катта тақдимотлари бўлсин. Ўзига хос умумий бозор бўлсин, мана шу ғоя тез орада амалга ошишига умид қиламан".nnКиношунос ва сценарий ёзувчиси Розика Мергенбаева минтақада кино соҳасидаги бу жонланиш Ўзбекистонда раҳбарият алмашгани билан боғлайди. n n"Раҳбарият алмашгани учун ўзгаришлар бўляпти, дейиш осон. Ростдан ҳам шундай. Биринчидан янги Президентнинг эътиборини ҳар томондан сезяпмиз. Ўзимизнинг керакли эканлигимизни ҳис қила бошладик. Чунки биз узоқ вақт нафақат эътибордан четда қолдик. Катта маблағ ажратилган бўлсада, ўзимиз билан ўзимиз бўлиб қолгандик. Биз хизматкор бўлиб қолгандик, демайман, аммо биринчи навбатда давлат буюртмасини бажарардик. Энди бўлса ўзимизнинг истак, мавзу ва фикрларимизни амалга ошириш имконияти пайдо бўлди. Бу нарса қувонтиради", дейди у. nnЎзбекистонлик режиссёр Шуҳрат Маҳмудов Ўзбекистон Президент алмашгани минтақадаги халқлар орасидаги ўзгаришларга ҳам таъсир қилганини айтади.nn"Албатта, жуда ҳам катта ўзгаришлар бўляпти. Биласизми, бир киши, яъни президентимиз қўшниларга яхши муносабатда бўлиш керак деди. Ва бу нарса халқларга таъсир қилди. Мана мен қирғизистонлик, қозоғистонлик ва бошқа республикалардан келган ҳамкасбларим билан учрашдим. Уларнинг айтишича, Қирғизистонда ўзбекларга нисбатан муносабат бир зумда яхши томонга ўзгарди. Ҳурмат билан муомала қила бошлашибди. Президентнинг биргина сўзи халқларнинг муносабатига таъсир қилиши мумкин. Бу жуда муҳим, агар сен бир давлат президентини ҳурмат қилсанг, ўша миллатнинг ҳар бир вакилини ҳурмат қиласан".

Category : Новости и политика

#Мирзиёев#Ўзбекистон#кино#соҳасига#эркинлик#бердими?#bbc#uzbek