Include this script into your page along with the iframe for a responsive media embed
Қуйичирчиқ туманлараро иқтисодий суди Тошкент вилояти Оққўрғон туманидаги кластер фирма билан пахта топшириш шартномасини бажармаган 155 фермер хўжалиги раҳбарига жарима қўллаш ҳақида қарор чиқарди.nnБу ҳақда Озодликка хабар берган фермерлар ўзларининг 40-50 тадан судга чақирилаëтгани ва маҳкама ёппасига бир хил жарима қўллаб, беш-ўн минутда чиқариб юбораëтганини билдирди.nnСудланган фермерларга кўра¸ ҳакам фермерларнинг пахта топшириш режасини нима сабабдан бажара олмагани билан умуман қизиқмаган.nnҚуйичирчиқ туманлараро иқтисодий суди 5 декабрь куни Оққўрғон туманида 40 нафардан ортиқ фермерни суд қилиб, жаримага тортди.nnТуман қишлоқ хўжалиги бошқармасининг ўзини таништирмаган мулозимига кўра, “АВС Оққўрғон Агрокластер” масъулияти чекланган жамияти пахта топшириш режасини бажармагани учун туман бўйича 155 нафар фермерни жаримага тортишни сўраб, даъво аризаси киритган.nn5 декабрь куни судланган фермерлардан бирининг шахси сир қолишни сўраб Озодликка айтишича, 40 дан ортиқ фермер чақирилган суд бор-йўғи 10 минут давом этган.nn“Судья ҳаммани бир залга чақирдида, “сизлар пахта шартномасини бажармагансизлар, кластер сизларни шартномадан қарздор бўлиб қолган пахтанинг 30 фоизи нархи миқдорида жаримага тортишни сўраган. Мен эса сизларни ҳаммаларингни 16 фоиз жаримага тортиш ҳақида қарор қабул қилдим, шунга розимисизлар”, деб сўради. Фермерлар розимиз, дейишди ва бирма-бир имзо қўйиб чиқиб кетдик”, дейди фермер.nnАйтилишича¸ бошқа бир фермер судьядан нега ҳар бир фермернинг иши алоҳида кўриб чиқилмагани ҳақида сўраган.
