Прокуратура: Андижонда ис газидан 2 киши заҳарланган, оммавий заҳарланиш бўлмаган

Ўзбекистон Бош прокуратураси матбуот хизмати 30 ноябрь куни Андижон вилоятининг Шаҳрихон туманида қарийб 100 киши кўмир ҳидидан заҳарланиб, касалхонага ётқизилганига ўз муносабатини билдирди.nnМатбуот хизматига кўра, Шаҳрихонда ис газидан фақат 2 киши захарланган, оммавий заҳарланиш бўлмаган.nnАммо, 30 ноябрь куни Озодлик билан гаплашган, бир-биридан мустақил шифокорлар қарийб 100 киши кўмир ҳидидан заҳарланиб, улардан 70 нафари касалхонага ётқизилгани ҳақида гапирган эди.nnБош прокуратура матбуот хизматининг 1 декабрь куни кечқурун Озодликка юборган мактубида ёзилишича, касалхонага 30 ноябрь куни ис газидан заҳарланган 2 киши мурожаат қилган:nn"Шаҳрихон тумани Марказий шифохонасига 30.11.2018 йил кунидан 01.12.2018 йил кунига қадар фақат 2 нафар фуқаро ис газидан заҳарланишда гумонланиб шошилинч тиббий ёрдам бўлимига ётқизилган.nnУмуман олганда Шаҳрихон тумани Марказий шифохонасига 30.11.2018 йил кунидан 01.12.2018 йил кунига қадар жами 58 та бемор мурожаат қилган бўлиб, улардан 17 нафари гипертония касаллиги, 13 нафари юрак-ишемик касаллиги, 19 нафари асаб тизими касаллиги, 7 нафари ички касалликлар ва 2 нафари шикастланиш бўйича мурожаат қилиб, булардан фақат 2 нафари шошилинч тиббий ёрдам бўлимига (юқоридаги 2 нафар шахс) ётқизилган ва қолган 56 нафарига тез тиббий ёрдам кўрсатилгач уйига рухсат берилган.nnТуман марказий шифохонасида бугунги кун ҳолатига 50 та бўш ўрин, жумладан шошилинч жонлантириш бўлимида 14 та, терапия бўлимида 21 та, болалар бўлимида 2 та, жарроҳлик бўлимида 8 та ва туғруқ бўлимида 5 та бўш ўрин мавжуд.

Category : Новости и политика

#Прокуратура:#Андижонда#ис#газидан#2#киши#заҳарланган#оммавий#заҳарланиш#бўлмаган