Include this script into your page along with the iframe for a responsive media embed
Андижон вилоят, Балиқчи туман туғруқхонасида 36 ёшли аёл ва унинг қорнидаги ҳомиласи ўлгани ҳақида Озодлик хабар берганидан бир кун ўтиб Тошкент вилоятининг Ангрен шаҳри касалхонасида ҳам ой бошида шундай фожиа рўй бергани маълум бўлди.nnБу Ўзбекистон туғруқхоналарида оналар ва гўдаклар ўлими билан боғлиқ шу ойнинг ўзида Озодлик аниқлаган учинчи ҳолатдир.nn12 ноябрда Жиззах вилоятида тўртинчи фарзандини дунёга келтириш учун Зафаробод туман Марказий касалхонасининг Туғруқ бўлимига ётган аёлнинг боласи вафот этган эди.nn5 ноябрь куни 29 ёшли аёл М.М. учинчи фарзандини туғиш учун Ангрен шаҳар марказий шифохонаси туғруқхонасига ётқизилган. Аёлнинг қайнонаси Жамила Маматқулованинг иддао қилишича, шифокорлар унинг ва қорнидаги боланинг ҳаётини сақлаб қололмаганлар.nnЖамила Маматқулова Озодлик билан суҳбатда келини ўлими ҳақида айтиб берди:nn- Шифокор чиқиб "келинингиз ўлди" деди. Юракка қон ҳайдовчи томир тромби ёрилиб кетган дейишди. Кирсам келинимни қорнидаги бола типирчилаб ётибди. 10 минутни ичида бир минут қараса бўлардику?! Ўғлим докторларга тиз чўкди, "машинамни бераман, болани ҳаётини сақлаб қолинглар", деди. Кейин бола ҳам ўлди. Қорнидаги уч кило саккиз юз, бўйи 58 (сантимер) бола ўлик чиқди.
