Include this script into your page along with the iframe for a responsive media embed
Ташқи миграция агентлиги раҳбарларининг ҳибсга олинганига оид Озодликка келган хабарни Бандлик ва меҳнат муносабатлари вазирлигининг бир-биридан мустақил икки мулозими тасдиқлади.nnҲозирча жамоатчиликдан сир тутилаëтган бу маълумотни очиқлашга ваколати йўқлиги боис шахси сир қолишини сўраган бу мулозимларга кўра¸ 16-20 ноябрь кунлари Миграция агентлигининг 20 га яқин расмийси Бош прокуратура Уюшган жиноятчилик ва коррупцияга қарши кураш бошқармаси ходимлари томонидан олиб кетилган.nnКореяга ишга кетиш учун ариза берган минглаб одамдан пора олганликда гумонланиб олиб кетилганларнинг кўпчилиги қўйиб юборилган¸ аммо агентлик бошлиғи¸ унинг ўринбосари ва Кореяга кетаëтган фуқароларни олдиндан кўниктириш ва ўқитиш маркази раҳбарининг 26 ноябрь куни ҳам ҳибсда қолаëтгани айтилди.nnОзодлик гаплашган жараëн тафсилотларидан хабардор мулозимлар¸ ҳибсга олинганларнинг Кореяга ишга юбориш ваъдаси билан 20 (йигирма) миллион АҚШ долларидан кўпроқ пора олганликда гумонланаëтганини билдирдилар.nnБандлик ва меҳнат муносабатлари вазирлиги ва Ташқи миграция агентлиги мутасаддилари Озодликнинг бу ҳибсга олишларни расман тасдиқлаш ëки инкор қилиш сўровини жавобсиз қолдирди.nnЎзбекистон Бош прокуратураси тергов сири нуқтаи назаридан бу маълумотни на тасдиқлади ва на инкор қилди.
