Include this script into your page along with the iframe for a responsive media embed
Жиззах вилояти Дўстлик тумани Наврўз шаҳарчасида яшаган фермер 33 яшар Санжар Баратов 7 ноябрь куни ўз омборхонасида осилган ҳолда топилганидан сўнг, бу воқеа юзасидан туман прокуратураси суриштирув олиб бормоқда.nnОзодлик суҳбатлашган фермернинг отаси, 58 яшар Рабим Баратовга кўра, ўғли банк кредитини ёполмагани учун МИБ ходимлари мол-мулкни мусодара қилиш мақсадида уйга бостириб кирган ва уй эгаларига ғайриинсоний муомала қилган.nnКечқурун ишдан келган Санжар Баратов бу воқеаларни эшитганидан сўнг, ўз жонига қасд қилган.nnДўстлик тумани МИБ бошлиғи ўринбосари Озодлик мухбирига фермер Баратовнинг мол-мулкини мусодара қилиш жараëни қонуний бўлганини иддао қилди.nnЖиззах вилоятининг Дўстлик тумани Наврўз шаҳарчасида(халқ тилида 27-совхоз дейилади – таҳририят) яшаган 33 яшар фермер Санжар Баратов 6 ноябрь куни кечқурун уйининг ёнидаги омборхонасида ўзини осиб ўлдирган.nnДўстлик тумани ички ишлар бўлимининг ўзини таништирмаган мулозими 17 ноябрь куни Озодликка Санжар Баратовнинг жасади орадан бир кун ўтиб, 7 ноябрь куни топилганини билдирди.nn“Олтинчида осган, 7 ноябрь куни топилаяпти. Уйдагилари бирор жўрасиникига кетган бўлса керак, деб ўйлашган. Туман прокуратураси бу иш билан шуғулланаяпти”, деди мулозим.
