Include this script into your page along with the iframe for a responsive media embed
Москвада қурилишда ишлайдиган 24 ёшли муҳожир Аброр Нодиров Озодлик билан суҳбатда нотаниш ўзбекистонлик ватандоши 22 ёшли шериги Нуриддин Жўраевни пичоқлаб ўлдиргани, ўзини эса ярадор қилганини айтди. Нодиров иддаосича, 30 октябр куни Москванинг Бибирево метроси яқинидаги дўкон қурилишида рўй берган қотилликни Россия милицияси жўяли тергов қилмаяпти, Москвадаги ўзбек элчихонаси эса бу ишни умуман эътиборсиз қолдирган. Москва шаҳар милицияси эса қотилликда гумонланиб 22 ёшли ўзбекистонлик муҳожир қидирилаётганини Озодликка тасдиқлади.nnСурхондарёнинг Қизириқ туманидан бўлган Аброр Нодировнинг Озодликка айтишича, 30 октябр кечки пайт қурилишда бирга ишловчи шериги ва яна бир ҳамюрти орасида гап қочиб, аввалига улар муштлашишган.nnКейин эса нотаниш ҳамюрти шеригининг бўйни ва юрагига пичоқ санчган.nn- Мен шеригимни қутқараман деб борганимда мени ҳам қорнимга пичоқ санчди. Нуриддинни шу ерни ўзида ҳаётдан кўз юмди. Мени касалхонага олиб кетишди.Шифохонада жарроҳлик операцияси қилишди. Пичоқлаган йигит Самарқанддан экан, ғойиб бўлди, ҳеч ким қаерда эканини билмайди, милиция ҳам етарлича қидирмаяпти. Нуриддинни жасади ўн кун моргда ётди, бир ҳафта олдин тоғаси жасадни Деновга олиб кетди, - дейди Нодиров.
