Include this script into your page along with the iframe for a responsive media embed
Ўз бош офиси сифатида Шотландиядаги қаровсиз дўконни кўрсатган асл эгаси махфий Quality Trade Supplies ширкати ва у таъсис қилган қатор бошқа компаниялар Ўзбекистон рамзларидан бирига айланган "Пахтакор" клуби¸ қолаверса¸ мамлакатдаги энг йирик металлургия¸ фармацевтика ва суғурта бизнесини ўз назоратига олган.nnШотландиядаги нуфузли The Herald газетаси эълон қилган навбатдаги журналистик суриштирув натижасида шундай хулосага келинган.nnСуриштирувда тилга олинган ҳужжатлар “Пахтакор”ни сотиб олган “хориж” компанияси – Тошкентда рўйхатдан ўтган SFI Management Group ўзининг ягона акциядори сифатида Шотландияда регистрация қилинган бошқа бир ширкат - Quality Trade Supplies эканини кўрсатган.nnМаҳаллий матбуотга кўра¸ Quality Trade Supplies эса¸ қиймати 300 миллион АҚШ долларидан ошиши айтилган Тошкент металлургия заводи қурилишини олган Мирзиëев даврининг энг йирик “хорижий инвестори”дир.nn2018 йилнинг 22 август куни давлатга қарашли “Ўзбекистон 24” канали намойиш қилган “Дахлдорлик туйғуси” деб номланган махсус кўрсатувда Шотландия суриштирув журналистлари эгасини қидираëтган ширкатлар номлари тилга олинган ва уларнинг ҳаммаси бир одам – асли наманганлик Россия миллиардери Алишер Усмоновга алоқадорлиги айтилган.nnАйни пайтда¸ бу кўрсатувда ўз соҳасида “улкан тажрибага эга бўлган”и иддао қилинган “хориж компания”ларининг бевосита Алишер Усмоновники экани очиқ айтилмади¸ дейилади шотландиялик журналистлар ўтказган суриштирувда.
