Оммавий бўшатилган “Шўртаннефтгаз” ишчилари норозилик билдирмоқда

Қашқадарëнинг Ғузор туманида жойлашган “Шўртаннефтгаз” корхонасининг 324 нафар ишчиси раҳбариятнинг ўзларини ишдан бўшатиш қарорига норозилик билдирмоқда. Ўзбекнефтгаз"дан олинган маълумотга кўра, норози ишчиларнинг талабларини ўрганиш учун махсус ишчи гуруҳ тузилган.nОзодликка 5 ноябрь куни мурожаат қилган “Шўртаннефтгаз”нинг бир гуруҳ ишчилари корхонада оммавий ишдан бўшатиш ҳолати бўлаётганини айтиб, бунга норозилик билдиришди.nn“Бизни оммавий ишдан бўшатишаяпти. Жами 324 киши. Илтимос ёрдам беринглар”¸ дейилади Озодликка йўлланган мактубда.nnИшдан бўшатилаётганлар рўйхатига кирган ишчилардан бирининг Озодлик билан суҳбатда айтишича, ишдан ҳайдалаëтганларнинг барчаси корхона қўриқчиларидан иборат.nn“Биз ҳаммамиз “Шўртаннефтгаз”нинг “Тезкор қўриқлаш хизмати”да ишлаймиз. Бошлиқ мажлис қилиб, "охранниклар ҳаммаси ишдан бўшатилди" деди. Бизнинг ҳуқуқларимизни поймол қилишаяпти. Бизни олдиндан огоҳлантиришмади. 324 ишчини бирданига кўчага ҳайдаяпти. Шунча одам оиласини қандай боқади энди?”, дейди “Шўртаннефтгаз” қўриқчиларидан бири.

Category : Новости и политика

#Оммавий#бўшатилган#“Шўртаннефтгаз”#ишчилари#норозилик#билдирмоқда