Include this script into your page along with the iframe for a responsive media embed
Тошкентда сўнгги ҳафта ичида 7 киши ис газидан заҳарланиб ўлди, булардан 4 нафари болалардир. Бу ҳодисалар тармоқларда кескин мунозара уйғотган бир пайтда Тошкент ҳокими вазифасини бажараётган Жаҳонгир Ортиқхўжаев 3 ноябрь куни коммунал хизматлар ва жамоатчилик вакиллари билан учрашув ўтказди.nnGazeta.uz нашрининг хабар қилишича, йиғилишда тошкентликлар ва тегишли ташкилотлар ис газидан заҳарланиш олдини олиш учун газ ускуналарини ўрнатиш ва улардан фойдаланиш тартибига риоя қилишга чақирилган.nnБу йиғилиш 31 октябрь куни пойтахтнинг Чилонзор туманида 4 бола, 1 ноябрь куни Юнусобод туманида 3 киши ис газидан заҳарланиб, ўлиши ортидан ўтказилди.nnХусусан, 31 октябрь куни Чилонзорда содир бўлган 4 боланинг ўлими ижтимоий тармоқларда кенг муҳокама қилинди. Туманнинг Дилхуш кўчасидаги 37-уйда яшаётган оиланинг 3 қизи ва 1 ўғли тунда ўткир заҳарланиши натижасида ўлган, уларнинг онаси эса заҳарланиш ортидан шифохонага ётқизилган эди.nnАввалига бу оила шашликдан заҳарланди, деган гумон тармоқларда тарқалиб кетганди. Аммо, тиббий экспертизада болалар ис газидан заҳарланиб ўлгани аниқлагани айтилди. Маълум бўлишича, ис гази оила яқинда кўчиб ўтган кўп қаватли уйнинг ертўласига ўрнатилган қурилмадан чиққан.nnБу ҳодиса ортидан шаҳар прокуратураси ЖКнинг 259-моддаси 2-қисми (ёнғин хавфсизлиги қоидаларини бузиш) билан жиноят иши очган.
