Include this script into your page along with the iframe for a responsive media embed
Фарғона вилоятининг Бувайда туманидаги "Найман янги турмуш" фермер хўжалиги дала шийпонида 10 сентябр куни кечаси ёнғин рўй бергани ва ёнғин оқибатида пахта хом ашёси ёниб кетганини Озодлик бир қанча манбалар орқали ўрганди.nnБувайда тумани Ёнғин хавфсизлиги бўлимининг Озодлик боғланган навбатчиси ҳам айни хўжаликда ёнғин бўлганини тасдиқлади. Ёнган пахтанинг аниқ миқдори маълум эмас. Озодлик суҳбатлашган воқеа гувоҳлари ёнғин рўй берган шийпонда 14 тонна пахта хом ашёси бўлгани ва ҳаммаси ёниб кул бўлганини айтишди.nn2 ноябр куни Ўзбекистон Бош прокуратураси Бувайда туманидаги бўлими берган маълумотга асосланиб, ёнғин бўлганини рад қилиб чиққан эди.nnЁнғинни ўз кўзи билан кўрган бувайдаликларнинг айтишича, 10 сентябр куни "Найман янги турмуш" фермер хўжалиги шийпонидаги ҳирмонда жуда катта ва аянчли кўринишда ёнғин содир бўлган, аланга бир неча километр узоқликда кўринган.nn- У ерда жуда катта ёнғин бўлди, мени ўзим шу шийпондан икки километр нарида яшайман, ёнғин алангаси кўриниб турди, - деди исми сир қолишини сўраган ёнғин гувоҳи.nnБувайда тумандаги "Найман янги турмуш" фермер хўжалиги ишчиларидан бирининг Озодликка айтишича, хирмондаги ёнғинга пахта қизиб кетгани сабаб бўлган бўлишини айтди.
