Include this script into your page along with the iframe for a responsive media embed
Халқаро олимпия қўмитаси (ХОҚ) Олимпиада ўйинлари дастуридан бокс чиқариб юборилиши мумкинлиги ҳақида огоҳлантираётган бир пайтда қозоғистонлик боксчи Халқаро бокс ассоциацияси (AIBA) президенти этиб тайинланса, ушбу спортни сақлаб қолишни ваъда қилди.nnМутахассислар Халқаро бокс ассоциацияси президентини аниқлаш учун бугун бўлиб ўтадиган сайловда Серик Қонақбаев ғалаба қозониши эҳтимоли оз эканлигини айтмоқда.nnЎтган ойда ХОҚ агар асли ўзбекистонлик тадбиркор Ғафур Раҳимов AIBA президенти этиб тайинланадиган бўлса, Олимпиада ўйинлари дастуридан бокс чиқариб юборилиши мумкинлиги тўғрисида баёнот берган эди.nnБундай баëнотга Раҳимов 2012 йили АҚШ Молия вазирлиги томонидан "ўзбек уюшган жиноят олами етакчиларидан бири" деб баҳоланиб, уюшган халқаро гуруҳ етакчиларига қарши жорий қилган санкциялари рўйхатига киритилгани ва ҳамон шу рўйхатда қолаëтгани асос бўлган.nnБунга қарамасдан, Москвада бўлиб ўтадиган сайловда айни дамда AIBA президенти вазифасини бажараётган Раҳимов ғалаба қозониши кутилмоқда.nnҚонақбаев 1 ноябрь куни Associated Press агентлигига берган интервьюсида:nn- Агар у ғолиб чиқса, ХОҚ бизга маъқул келмайдиган қатъий қарор чиқаради, - деди Серик Қонақбаев. - Токиода бўлиб ўтадиган ўйинларда Олимпиада спорти мақомидан ажралиб қолишимиз мумкин. Энг даҳшатлиси - айнан шу. Шундай экан, барчамиз бу ҳақда ўйлаб кўришимиз керак.
