Мирзиëев Ўзбекистонга кираëтган “Британия компаниялари” асл эгалари кимлигини биладими?

Ўзбекистон расмий нашрларига кўра¸ мамлакат иқтисодининг аксар соҳалари¸ хусусан¸ металлургия¸ қурилиш ва пахтачилик-тўқимачилик каби секторларига инвестиция ëтқизаëтган хориж инвесторлари орасида Буюк Британия ширкатлари талайгина.nnХориж инвестори мақомида Ўзбекистондаги энг сердаромад соҳаларга катта имтиëзлар билан кираëтган бу ширкатларнинг аксарияти¸ Шотландиядаги The Herald газетаси ўтказган журналистик суриштирувдан аëн бўлишича¸ асл эгаси оффшордаги қобиқ тузилмалар орқали мутлақ бекитилган ва Британияда бирор кун очиқ фаолият юритмай туриб¸ ўзини нуфузли "Британия компанияси" сифатида тақдим этаëтган шубҳали структуралардир.nnСуриштирувга кўра¸ нафақат Ўзбекистон¸ балки глобал миқëсда яширадиган ноқонуний бойлиги бўлган сиëсатчилар¸ ҳукумат арбоблари¸ шунингдек турли криминал гуруҳлар¸ айниқса¸ SLP (Scottish limited partnerships - Шотландия чекланган шерикчилиги ) қобиқ тизимидан ниҳоятда кўп ва фаол фойдаланмоқда.nn"Британия ширкати" сифатида Ўзбекистонга кирган ширкатларнинг асл эгалари Тошкент ҳукумати тепасида ўтирганлар ëки улар яқинлари эканига оид далиллар ҳозирча йўқ.nnАммо Шотландия нашри суҳбатлашган коррупция ва пул ювиш амалиëтларига қарши кураш бўйича етакчи экспертлар юзлаб миллион долларлик контрактларни қўлга киритган бу "хориж инвесторлари"нинг шаффоф эмаслиги¸ улар эгаларининг ҳар хил оффшор ширкатлари қобиғига яширингани жиддий савол ва шубҳа уйғотишини таъкидлайди.

Category : Новости и политика

#Мирзиëев#Ўзбекистонга#кираëтган#“Британия#компаниялари”#асл#эгалари#кимлигини#биладими?