Geely: global avto gigant O‘zbekiston bozorida

O‘zbekistonda Geely brendi ko‘pchilik uchun hali yangi bo‘lishi mumkin, ammo xalqaro miqyosda kompaniya yirik avtomobil ishlab chiqaruvchilardan biri hisoblanadi. Geely Holding Group tarkibiga Volvo, Lotus, Zeekr, Lynk & Co kabi mashhur brendlar kiradi. Holding doirasida o‘tgan yili to‘rt milliondan ortiq avtomobil sotilgan.
Kompaniya falsafasining asosida xavfsizlik va texnologiyalar turadi. Geely bir necha yillardan buyon Volvo egasi hisoblanadi va ushbu brendning xavfsizlik standartlarini to‘liq o‘zlashtirgan. Avtomobillar konstruksiyasi, materiallar sifati va muhofaza tizimlari qat’iy talablar asosida ishlab chiqiladi.
O‘zbekiston Geely uchun strategik bozor hisoblanadi. Aholisi 38 milliondan oshgan mamlakat avtomobil savdosi hajmi bo‘yicha MDHda Rossiyadan keyin ikkinchi o‘rinda turadi. Shu bois kompaniya bu yerda katta istiqbolni ko‘rmoqda.
Bozorga olib kirilayotgan avtomobillar mahalliy iqlim va yo‘l sharoitlariga moslashtirilgan. Yuqori harorat, sovuq qish, turli yo‘l qoplamalari hisobga olingan. Kuzov mustahkamlangan, ko‘p qatlamli antikorrozion himoya qo‘llangan, salon esa N95 filtrlari bilan jihozlangan.
Bugungi kunda O‘zbekistonda Geely’ning ilk dilerlik markazi Toshkentda ish boshladi, yaqin vaqt ichida Farg‘ona va Buxoroda ham ochilishi rejalashtirilgan. Xaridorlarga 6 yil yoki 150 ming km avtomobilga, 8 yil yoki 150 ming km batareyalarga kafolat taqdim etiladi.
Kompaniya vakillari ta’kidlashicha, Geely’ni tushunishning eng yaxshi usuli — uni shaxsan sinab ko‘rish. Shuning uchun xaridorlar dilerlik markazlarida test-drayv orqali o‘z taassurotlariga asoslanib qaror qabul qilishlari mumkin.
Reklama
Rasmiy vebsayt: kun.uz
Telegram kanalimiz: telegram.me/kunuzofficial
Facebook`da kuzating: www.facebook.com/kunuznews
Twitter`da kuzating: twitter.com/KunUzNews
Instagram`da kuzating: www.instagram.com/kun.uz

Category : ALLONE

#geely#global#avto#gigant#o#lsquo#zbekiston#bozorida