Include this script into your page along with the iframe for a responsive media embed
Россия Президенти Владимир Путиннинг пойтахт Тошкентда қилган яна бир баёноти худди шу каби баҳоларга сабаб бўлган. Президент Путин Ўзбекистон ҳудудида ҳамкорликда қурол-яроғ ишлаб чиқаришга тайёр эканликларини билдирган. Аммо Россия раҳбари бундан ортиқ тафсилотларга тўхталмаган. Россия Ўзбекистоннинг энг йирик ҳарбий-техник ҳамкорларидан бири бўлади.nПрезидент Шавкат Мирзиёев қудратга келишидан қисқа вақт ўтмай, томонлар ўртасида бу соҳада ҳамкорликни кучайтиришга қаратилган битим ҳам имзоланган.nВладимир Путиннинг куни-кеча Тошкентга уюштирган давлат ташрифи чоғида эса, Россия ҳарбий авиациясининг Ўзбекистон ҳаво ҳудудида парвозига изн берувчи келишувга эришилган. Ҳамкорликда Ўзбекистонда биринчиси бўлиши кутилаётган атом электр станцияси қурилиши лойиҳасига старт берилган. Минтақавий экспертларга кўра, буларнинг барчаси биргаликда олиб қаралганда, хавотирга лойиқ тенденциянинг бўй кўрсатаётгани далолат қилади.nТомонларнинг стратегик жиҳатдан бу қадар яқинлашаётгани, “Ўзбекистон яна Коллектив Хавфсизлик Шартномаси Ташкилотига қайтадими, Ўзбекистон Россияга ўзининг жанубий йўналишдаги авантюраларига тортишига қанчалик қўйиб беради, расмий Тошкент ўз ташқи сиёсатини нечоғлиқ Кремлнинг таъсиридан холи олиб бора олади,”, - деган саволларни пайдо қилади.nnСуҳбатдошимиз Лондондан асли ўзбекистонлик эксперт Алишер Илҳомов. Бу борада сиз қандай фикрдасиз? Кўринг, тингланг ва ўз фикрларингиз билан ўртоқлашинг. Бунинг учун олдиндан раҳмат сизга, азизлар! Билингки, биз учун сизнинг фикрларингиз қимматли!..
