Include this script into your page along with the iframe for a responsive media embed
Қашқадарë вилоят, Нишон туманида 7-8 октябрь кунлари ëмғир ëғиши сабабли пахта заводига белгиланган нормани топширмаган 30 га яқин фермер, 10 октябрь куни вилоят ҳокими ўтказган мажлисдан сўнг, туман Ички ишлар бўлимига олиб келинган ва бу ерда 11 октябрь саҳарга қадар оч ҳолда ушлаб турилган.nnТуман ҳокимлиги ва ИИБ расмийлари бу хабарни инкор қилмади. Расмийларнинг Озодликка айтишича¸ “белгиланган кунлик пахта нормасини топширмаган¸ даласида бўлмаган фермерлар” ИИБга “суҳбатга олиб келинган ва танбеҳ берилган”.nnОзодлик гаплашган нишонлик фермерлар пахта терими қизғин паллага кирган бир пайтда ҳоким¸ прокурор ва ИИБнинг фермерларга зўравонлиги кучайиб кетганидан арз қилди.nnВилоят ҳокими туман ҳокимини¸ туман ҳокими фермерларни...nn10 октябрь куни Нишон туман ИИБга олиб кетилган фермерлар орасида Мардон Шайхитдинов ҳам бор.nnАйни номдаги фермер хўжалиги раҳбари бўлган Шайхитдиновнинг турмуш ўртоғи Бодомгул Норова 11 октябрь куни Озодликка эрининг Ички ишлар бўлимига олиб кетилиш тафсилотларини ҳикоя қилди.nn- 7-8 октябрь кунлари даламизда тераëтган Калий заводи ишчилари пахта термади¸ заводга 1.9 тонна пахта бердик¸ холос. Вилоятдан келган ишчи гуруҳи нима учун бу пахта топширмаган деб дўқ қилганидан кейин эрталаб тўғри даладан Исузуга босиб¸ пахта заводга олиб кетишган. Бу ерда вилоят ҳокими мажлис қилиб¸ туман ҳокими ва прокурорини роса ҳақорат қилган. Мажлис тугаши билан 30 фермерни номма-ном чақириб¸ тўғри Ички ишларга олиб кетган¸ дейди 11 октябрь куни Озодлик билан пахта даласидан гаплашган фермер аëл.
