Рус рассоми Тошкентни безайдиган бўлди

Украина хавфсизлик хизмати томонидан мамлакат хавфсизлигига таҳдид солувчи исталмаган шахслар рўйхатига киритилган россиялик дизайнер, 43 яшар Артемий Лебедев 2 октябрь куни Тошкент шаҳар ҳокимлигида қабул қилинди.nnҲокимлик мулозимининг Озодликка билдиришича¸ Лебедов Тошкент шаҳрини безаш бўйича буюртма олган.nnБундан олдин Лебедев 2014 йили Украинанинг Россия томонидан аннексия қилинган Қрим ярим ороли логотипини чизган эди.nnЎзини "Тошкент шаҳар ҳокимлиги жамоатчилик кенгаши аъзоси", деб таништирган мулозимнинг Озодликка билдиришича¸ Артемий Лебедев шаҳар ҳокими вазифасини бажарувчи, сенатор Жаҳонгир Ортиқхўжаевнинг шахсий таклифига кўра, Тошкент шаҳри бюджети ҳисобидан Ўзбекистонга келган:nn- Артемий Лебедевнинг студияси билан Тошкент ҳокимлиги катта суммага шартнома тузди. Студия Тошкент шаҳри ва вилоятини режалаш¸ меъморлик ва дизайн ишларини бажариш учун буюртма олди. Буюртма тендер танловисиз Жаҳонгир Ортиқхўжаевнинг буйруғига кўра, россиялик рассомга берилди.nnМулозимга кўра¸ Артемий Лебедев 2 октябрь куни Тошкент шаҳар ҳокимлиги жамоатчилик кенгашига ўз бизнес режасини тақдим қилган.

Category : Новости и политика

#Рус#рассоми#Тошкентни#безайдиган#бўлди