Include this script into your page along with the iframe for a responsive media embed
Қашқадарё вилоятининг Яккабоғ туманида яшайдиган 54 яшар тадбиркор Зуҳра Муқимованинг OzodMikrofonга арз қилишича, унинг давлат дастурига киритилган автомобилларга метан газ қуйиш шохобчаси қуриш лойиҳасини туман ҳокими аввал тасдиқлаб, кейин бекор қилган.nnТадбиркорнинг айтишича, у икки йил давомида Бош прокуратурадан тортиб президент порталигача вилоятдаги қонунсизликлар, тадбиркорлар ҳуқуқларининг поймол этилаётгани ҳақида шикоят қилган, лекин бу шикоятлар натижасиз қолган:nn“Мен икки йил давомидаги бу югур-югурлардан шундай хулосага келдим: Президентимизнинг тадбиркорларни қўллаб-қувватлаш ҳақидаги гаплари ўша Тошкентда қолиб кетар экан. Вилоят ҳокими, туман ҳокими учун бу гаплар бир чақачалик аҳамияти йўқ экан. Мен қонуннинг кўзи фақат оддий одамлар учун очилишини, амалдор ва ҳокимлар учун юмуқ эканлигини англадим. Бир тадбиркор камида ўн одамга иш ўрни яратиб бераман десаю, булар турли баҳоналар билан тўсқинлик қилса, қонун буларга кўз юмиб туради экан”, дейди Зуҳра Муқимова.
