Бәріңізге ассалаумағалейкум
Ауыздарынан ақ ит кіріп, көк ит шығатын арандатушы Симонянды өз елі кіргізуге тыйым салғаны рас па? Ресейдің табанын жалаған бұндай опасыздарды өз халқы кешіре ме? Шойгу тағы да қандай қулыққа көшті? Украинаға жала жабу арқылы, өздері ядролық бомбаны қолдануы мүмкін бе? Ресей әскерінің шебі бұзылып, тағы қанша жерге дейін кері шегінді? Бұл туралы өте шұғыл ақпараттарды сізге Көрген дұрыс
Патша көңілді көрермендер. Бар болғаны 15 секундыңызды қиып, видеомызға лайк басып, арнаға тіркеліп, қасында шыққан кішкентай ғана қоңыраушаны түрте кетіңіздерші. Сіздердің бізге көрсеткен қолдауларыңыз, зор шабыт пен еңбегіміздің жемісі болып табылмақ. Кеттік ендеше!
Армения билігі «Россия сегодня» медиагруп және RT телеарнасының бас редакторы Маргарита Симонян мен Мемлекеттік Думаның ТМД істері жөніндегі комитетінің бірінші орынбасары Константин Затулинге елге кіруге тыйым салды. Бұл туралы Симонянның өзі Telegram арнасында жазды.
Константин Затулин Армения парламентінің елге кіруге тыйым салуына оның Армения туралы пікірі себеп болғанын айтқан.
Армения тарабы жіберген хатта, Затулиннің Армения Республикасы туралы пікірлері екі мемлекет арасындағы достық және одақтастық қатынастардың дамуына нұқсан келтіретіні жазылған. Армян бұқаралық ақпарат құралдарының хабарлауынша, Затулиннің нон грата болуына себеп: оның Қарабақтағы 44 күндік соғыста жеңілген Арменияны қайта-қайта кінәлауы.
Ал Симонянның Қарабақ туралы: «Әрбір армян бір нәрсені түсінуі керек: Егер Ресей болмаса, келесі аптада-ақ, бүкіл Қарабақтан айырылатын еді. Бәрінен. Себесеңіз Қарабақ басшысынан сұраңыз, - деп жазған жазбасы бар.
Мінекей, аузына келгенін ойланбай жайып салатын Ресейлік үгіт-насихатшыларды Армания билігі көргісі келмейтінін мәлімдеді. Сойы армян Маргарита үшін бұл күтпеген соққы болғаны айдан анық.
Маргарита Симоньян отқа май құйғанды жаны сүйетіндер қатарынан екенін білеміз. Елімізде болған «қаңтар оқиғасына» ҰҚШҰ әскері араласқаны үшін де Қазақстан Ресейге қарыз деген болатын.
«Ресей ҰҚШҰ әскерін жібергені үшін Қазақстан бірнеше талаптарды орындау керек», - деген еді Маргарита Симонян өз жазбасында.
«Әрине, міндетті түрде көмектесу керек. Бірақ, бірнеше шарт қою қажет. Қырымды мойындасын, кириллицаны қайтарсын, орыс тілін Қырғызстандағыдай екінші мемлекеттік тіл деп жарияласын, орыс тілді мектептерді жайына қалдырсын, Ресейге қарсы коммерциялық емес ұйымдарды қуып шықсын», - деп жазған ол. Ол бұрынғы Кеңес одағы елдерінің тәуелсіздігін «күлкілі» деп атаған.
«Тәуелсіздік – мемлекеттің бір-екі мың «таспен қаруланғандардың» әскерді қуып шығып, аэропорт пен қоймаларды басып алып және бір тәулікте елді тып-типыл қылғанына өзін Тәуелсізбін деп жүрген елден тікелей әскери көмек сұрауға мәжбүр болуы. Бұл – өте күлкілі Тәуелсіздік», - деді Симоньян.
Оның бейпіл ауыз байы да (Тигран Кеосаян), өзі де Қазақстан халқы мен билігіне ауыр-ауыр айыптау айтып, тілдері жеткенше тілдеп, керек болса, дөңайбат шешіп, шешенсіген, сөйтіп еларалық дау шақырған Маргарита Симонян деген дөңмұрынға Армения сияқты Қазақстанға да кіруге тыйым салу керек-ақ! деп жеткізіпті Айжан Темірхан өзінің мақаласында.
Ал, Симонян сияқты сүмелектерді асырап отырған Ресей болса Батысты тағы қорқытып-үркіту тактикасына көшті. Бұл жолы «ядролық қаруды қолданамыз» деп емес, Киев «лас бомбаны» қолданбақ дейді. Әрине, оған қандай да бір дәлел келтірмеді. Шойгу өзінің негізсіз сөзін дәлел болады деп есептесе керек, нақты құжаттарды ұсынбастан Украинаны айыптай жөнелді.
Алдымен «лас бомба» дегеніміз не, соны анықтасақ. «Лас бомба» дегеніміз жарылғыш затқа салынған радиациялық қалдық шашу мүмкіндігі бар қару түрі. Көбіне ол снарядқа садынады. Адамзат тарихында соғыс жағдайында лас бомбаны қолдану тіркелмеген. «Лас бомба» ядролық қару іспеттес жойқын болмаса да, қолданылған аймаққа үлкен залалы бар дейді мамандар. Су, ауа, жерді радиациялық қалдықпен ластап, тіршілік иесін қырып жіберу мүмкіндігіне ие. Соғыс және сынақ жағдайында нақты қолданылмағандықтан, қауіпті әсерін дөп басып айту қиын.
Мәскеудің мәлімдеуінше Киевтің лас бомбаны жасау мүмкіндігі зор. «КСРО кезеңінде ядролық қаруы болған, ядролық саласы дамыған және АЭС-тері бар ел үшін лас бомбаны жасау қиындық тудырмайды», - дейді ресейлік әскери сарапшылар. Киев бұл айыптаулардың барлығын жоққа шығарды және ақпаратты «ақымақтың сандырағы» деп атады.
Шойгу өткен аптада Ұлыбритания, АҚШ, Түркия және Францияның қорғаныс министріне қоңырау шалып, «Киев лас бомба жасауда» деп ескертіпті-міс. Бұл ақпаратқа Ұлыбритания, АҚШ және Франция бірлескен жауап қатып, Мәскеудің сөзіне сенбейтінін, Киевті соңына дейін қолдайтынын, Ресей арандату арқылы қандай да бір қауіпті қадамға барса (тактикалық ядролық қару немесе химиялық қару қолдану), қатаң жауап болатынын ескертті.
Мәскеудің Киевті «лас бомба жасап жатыр» деп айыптауы екі мақсатта айтылуы мүмкін: Киевке деген Батыстың қолдауын азайту және Батыстың Мәскеудің қарымта соққысына деген реакциясы.
Category :
Новости и политика
#МАСҚАРА#ШОЙГУ#БОМБА#ЛАҚТЫРДЫ#mdash#УКРАИНА#ҚАТТЫ#ШОШЫДЫ
