Include this script into your page along with the iframe for a responsive media embed
Туркманистон Давлат ахборот агентлиги назоратидаги “Золотой век” онлайн газетаси 1 апрель – ҳазил ва мутойиба куни аёл ҳайдовчилар мазах қилинган карикатурани чоп этди.nnБу карикатурани кўриб, туркман эркаклари кулган бўлиши мумкин, лекин у хотин-қизларнинг кулгисини қистатди, холос.nnКарикатурада йўл ҳаракати белгилари, хусусан “Кириш тақиқланади”, “Бошқа хавф-хатарлар” ҳамда “Асосий йўл” белгилари акс этган тақинчоқларни тақиб олган аёл ҳайдовчини кўриш мумкин.nnОзодликнинг Ашхободдаги мухбирларидан бири исмини ошкор қилмаслик шарти билан интервью бериб, карикатура муаллифи Атажан Аширов ўз ишида аёлларнинг автомобиль ҳайдашига истеҳзо билан ёндашишини изҳор қилганини айтди.nn- Бу карикатура расмийларнинг аёлларни автомобиль ҳайдаш ҳуқуқидан маҳрум қилиш ҳаракатларига мос тушади. Суратдаги аёл “Кириш мумкин эмас” белгиси тасвирланган мунчоқ тақиб олганингга эътибор қилинг. Бу билан улар аёллар ўта олмаслигини айтмоқчи, - деди мухбир.nnТуркманистонда аёлларга транспорт воситаларини ҳайдашни ман этувчи расмий қонун ёки қарор йўқ. Гувоҳнома олишда ҳам аёллар ҳеч қандай юридик тўсиқларга дучор бўлмайди.nnАммо узоқ йиллардан бери аёллар расмийлар уларга камситиб келаётганидан нолиб келади.
