Include this script into your page along with the iframe for a responsive media embed
Қорақалпоғистоннинг Қонликўл туманида 21 яшар қиз ва 24 яшар йигит бир-бирини пичоқлади. Қиз олган жароҳатларидан вафот этди, йигит тирик қолди.nУшбу воқеадан бироз аввал қонликўллик бошқа бир йигит - туман хотин-қизлар бўлими раҳбарининг жияни ва айни пайтда ҳайдовчиси - қизни "мажбурлаб олиб қочиб, унга уйланган".nОрадан бир неча кун ўтгач, қиз олиб қочган йигитнинг хонадонидан севгилиси билан қочган ва севишганлар ўзини ўлдиришга аҳдлашган.nБош прокуратура маълумотига кўра, тирик қолган йигит ҳибсга олинган.nҚонликўллик “Ромео ва Жульетта”nn25 март куни Озодликка маълум бўлишича, севишганлар билан боғлиқ воқеа жорий йилнинг 1 март куни содир бўлган.nnБу ҳақда хабар йўллаган қонликўллик манбага кўра, воқеа Қонликўл туманининг Бешкўпир овул фуқаролар йиғини, Жолий қишлоғидаги “Ешимахун” қабристонида содир бўлган.nn“Қиз 24 ёшли йигит билан 3 йилдан бери севишиб юрган. Йигит қизга зирак таққан ва улар турмуш қуришга бир-бирига ваъда беришган. Лекин қонликўллик бошқа бир йигит қизни ёқтириб юрар экан. У февраль ойи ўртасида қизни мажбурлаб, машинада олиб қочиб кетган. Қизни уйига олиб бориб, мажбурлаб унга уйланган. Қиз Нукусда ўқирди, у ўқишга боришни баҳона қилиб, севгилиси билан қочиб кетган. Кейин улар Қўнғиротга бориб, бозордан иккита катта пичоқ сотиб олишган ва Қонликўлда уйи яқинидаги қабристонга келиб, бир-бирини пичоқлаган. Кейин йигит акасига телефон қилиб, воқеани айтган”, - деди воқеа тафсилотларидан хабардор эканини айтган қонликўллик манба аноним қолиш истаги билан.
