Include this script into your page along with the iframe for a responsive media embed
Акцияларининг учдан бири Швеция ҳукуматига қарашли Telia (эски номи TeliaSonera) ширкати АҚШ ҳукумати билан Ўзбекистондаги 350 миллион долларлик пора жанжали юзасидан эришилган келишув шартларини бажариш якунига етганини эълон қилди.nnБу янгилик арафасида АҚШдаги қудратли юридик ширкатлардан бири Гулнора Каримовага 420 миллион доллар пора берганини тан олиш орқали Америка ҳукумати билан келишувга эришган МТС ширкатини инвесторларни алдаганлик айби билан судга берди.nnTeliaнинг "қутулиш йўли"nn20 март куни бош қароргоҳи Стокҳольмда жойлашган Telia Company АҚШ билан эришилган келишувга кўра зиммасига олган жариманинг сўнгги қисмини ҳам тўлаганини эълон қилди.nnАҚШ Адлия вазирлиги¸ Қимматли қоғозлар ва биржалар комиссияси ва Ҳолландия Бош прокуратураси билан 2017 йил сентябрида судгача келишувга эришган Telia «ўзбек иши»ни ëпиш учун рекорд даражадаги 965 миллион доллар жарима тўлашга рози бўлган эди.nnАҚШ Адлия вазирлиги ўтказган тергов давомида ширкат Ўзбекистон телеком бозорига кириш ва у ерда имтиëзли фаолият юритиш учун Гулнора Каримовага тегишли оффшор ширкатларига 350 миллион доллардан кўпроқ пора берганини тан олди.nn20 март куни Telia Ҳолландия прокуратураси ҳисобига 208¸5 миллион доллар пул ўтказиш билан ўз фаолиятининг Ўзбекистондаги коррупция жанжали билан боғлиқ саҳифасини ëтганини билдирди.
