Include this script into your page along with the iframe for a responsive media embed
Москванинг Шимолий Бутово туманида ҳужжатларни текшириш жараёнида ўзбекистонлик икки муҳожирни калтаклаган полициячилар устидан текширув бошланди.nnМигрантлар ҳимояси билан шуғулланиб келаётган москвалик юрист Валентина Чупикдан олинган маълумотларга кўра, 9 март, кундуз соат 3:30 ларда Москва жанубидаги кўчалардан бирида ўзбекистонлик меҳнат муҳожирлари: 28 ёшли Авазбек Сулаймонов ва 23 ёшли Суннатбек Назиров ҳеч қандай асосларсиз полиция томонидан тўхтатилган.nnПолиция улар “миграция режимини бузганликда” гумонланаётганини айтган. Бироқ муҳожирлар бу иш билан полиция эмас, миграция хизмати шуғулланиши лозимлигини айтиб, полицияга ҳужжатларни кўрсатишдан бош тортган.nnБунинг ортидан муҳожирлар қўлга олинган ва кўчанинг ўзидаёқ калтакланган.nnЮрист Валентина Чупик бундай деди:nn- Бугун менга Шимолий округнинг шахсий таркиб бўйича инспектори Чуриков Руслан Александрович қўнғироқ қилиб, бу ходимларга нисбатан хизмат текшируви бошланганини билдирди. Ўзбек йигитлари кўчада ҳақиқатан ҳеч қандай асоссиз ушланиб, полиция ходимлари томонидан калтакланиб, Шимолий Бутово полиция бўлимига келтирилган. Ҳалиям болалар қўлида телефони билан полициячилар муомаласини видеотасвирга олишга улгурган, акс ҳолда полиция ходимлари ҳақ бўлиб чиқаверарди.nnҲуқуқ фаолининг билдиришича, бу ишга у бошқараётган ташкилот аралашгани ортидан полиция ўша куни соат 17:21 да муҳожирларни узр сўраб қўйиб юборишга ва куч ишлатган ходимларга нисбатан текширув бошлашга мажбур бўлган.
